افطاری کے دسترخوان پر فروٹ چاٹ نظر نہ آئے تو کھانے کا مزہ ہی نہیں آتا ہے، کیونکہ فروٹ چاٹ ایک صحت مند اور ذائقہ دار افطاری ہے، اس کو کھانے سے جسم کو طاقت بھی ملتی ہے اور دن بھر کی تھکان دور بھی ہوتی ہے۔مگر فروٹ چاٹ بنا کر خواتین رکھ لیتی ہیں اور افطار کے وقت جب اس کو کھانے کے دسرتخوان پر سروو کیا جاتا ہے تو یہ کالی نظر آتی ہے اور بعض اوقات اس کا ذائقہ بھی عجیب لگنے لگتا ہے۔
آج وومن کارنر میں زبیدہ آپا کی بتائی ہوئی خاص ٹپ ہم آپ کو بتاتے ہیں جس سے نہ تو فروٹ چاٹ کالی ہوگی اور نہ ذائقہ خراب ہوگا۔
ٹپ:
٭ فروٹ چاٹ کو بناتے وقت جب سارے پھل کاٹ لیں اور انہیں ایک پیالے میں جمع کریں تو ساتھ ہی اس میں لیموں ، تھوڑا سا نمک اور دو چمچ دودھ ڈال کر مکس کردیں۔
اس طرح فروٹ چاٹ کالی نہیں ہوگی اور اگر آپ کسی پھل کا رس بھی اس میں شامل کردیں تو یہ ذائقے میں بھی اچھی ہو جائے گی اور کالی بھی نہیں ہوگی۔