بکرا عید کچھ ہی دن دور ہے اور زور و شور سے تیاریاں جاری ہیں لیکن خواتین عید کے دوران اتنی مصروف ہوتی ہیں اور روزانہ اتنے پکوان بناتی ہیں کہ وقت بہت کم اور کام بہت زیادہ ہو جاتا ہے۔
ایسے میں اگر آپ پیاز کو براؤن کر کے رکھ لیں تو آپ کا کام آسان ہو سکتا ہے، اس لئے ہم آپ کے لئے لائے ہیں پیاز تلنے اور دیر تک محفوظ رکھنے کا آسان طریقہ۔
پیاز تلنے اور محفوظ کرنے کا آسان طریقہ
پیاز تلنے کے لئے سب سے پہلے پیاز کو سلائسر کی مدد سے کاٹ لیں۔
اب اسے کڑاہی میں تیز گرم تیل میں فرائی کریں۔
اس میں نمک شامل کریں تو پیاز زیادہ جلدی فرائی ہو گی۔
اب ہلکی براؤن ہونے پر پیاز کو تیل سے نکال کر چھان لیں اور کسی ٹرے میں پھیلا کر رکھ دیں، اسے الگ الگ کر لیں۔
جب یہ ٹھنڈی ہو جائے تو کنٹینر میں کچن ٹاول یا بٹر پیپر رکھ کر اسے ائیر ٹائٹ کنٹینر میں بھر لیں۔
اوپر سے ایک اور بٹر پیپر یا کچن ٹاول رکھیں اور اسے فریج میں رکھ دیں۔
یہ کئی دنوں تک کرسپی رہے گی اور خراب نہیں ہو گی۔