خواتین روزانہ گھر میں جھاڑ پوچھ اور صفائی کرتی ہیں لیکن دھول مٹی اور بچوں کی وجہ سے فرنیچر گندا ہو ہی جاتا ہے اور اکثر ایسا دیکھا گیا ہے کہ جب ہم کسی بھی لکڑی کی میز پر چائے کا کپ یا جوس سے بھرا گلاس رکھتے ہیں تو لکڑی پر گول نشانات پڑ جاتے ہیں جو آسانی سے صاف نہیں ہوتے ہیں۔ ان کے علاوہ اکثر بچے فرنیچر پر پینسل یا قلم سے لکیریں لگا دیتے ہیں جو ہٹائے نہیں ہٹ رہی ہوتی ہیں۔
اگر آپ کے بھی فرنیچر کا یوں برا حال ہوگیا ہے اور صفائی کرنے کے باوجود بھی صاف نہیں ہورہا ہے تو آپ آزمائیں ہماری بتائی گئی ان تین ٹپس کو اور ایک مرتبہ پھرچمکائیں اپنا فرنیچر نئے جیسا!
ٹپس:
لیموں :
٭ لیموں کو کاٹ کر ایک کپ پانی میں ڈال کر اچھی طرح پکائیں، جوں ہی جوش آنے لگے چولہے سے اتار لیں، اس میں ایک کپڑے یا تولیے کو ڈبوئیں اور فرنیچر کی صفائی کریں یہ بہترین ٹپ ہے فرنیچر کو نئے جیسا بنانے کی۔
چائے کی پتی:
٭ چائے کی پتی جس کو چائے بنانے کے بعد آپ پھینک دیتے ہیں
اس کو پھینکیں نہیں بلکہ ایک گلاس ٹھنڈے پانی میں ڈالیں اور اس پانی سے فرنیچر کی صفائی کریں یہ آپ کے فرنیچر کے لئے ایک اچھی ٹپ ہے۔
ٹوتھ پیسٹ:
٭ ٹوتھ پیسٹ میں سرکہ مکس کریں اور ایک پتلا سا محلول بناکر اس سے فرنیچر کو صاف کریں، جلد ہی صاف ستھرا اور چمکدار فرنیچر آپ کو ملے گا ۔