لکڑی کچھ عرصے بعد اپنی چمک کھو دیتی ہے، اسی چمک کو دوبارہ حاصل کرنے کے لئے پالش کی جاتی ہے، لیکن بازار میں فرنچر کی پالش تو دستیاب ہوتی ہے مگر وہ کافی مہنگی ملتی ہے۔
اب بکرا عید سر پر ہے تو فرنیچر کی پالش تو کم سے کم ایک ہفتہ پہلے ہی کرنی ہوگی اس لیے ہم آپ کے لئے لائے ہیں گھر پر پالش کرنے کا آسان طریقہ اس مندرجہ ذیل طریقے سے آپ یہی بازار جیسی مہنگی پالش گھر پر بنا سکتے ہیں تو چلیں شروع کرتے ہیں۔
گھر پر فرنیچر پالش بنانے کا طریقہ
• ایک کپ بے بی آئل میں آدھا کپ لیموں کا رس شامل کر لیں۔
• اب ان دونوں کو اچھی طرح مکس کر لیں۔
• مکس کرنے کے بعد ایک نرم کپڑے کی مدد سے لکڑی کے فرنیچر اور دروازوں پر مل لیں۔
• اب لکڑی کو گیلے کپڑے سے پوچھنے کے بعد کسی دوسرے صاف کپڑے کو ناریل کے تیل میں ہلکا سا ڈبو کر ہلکے ہاتھ سے لکڑی پر ملیں۔
• لیجئے آپ کا فرنیچر بن گیا ایک دم نئے جیسا چمکدار۔