گرمیوں میں جہاں انسان کا مزاج تک گرم ہوجاتا ہے وہاں باقی چیزوں کا گرم ہونا عام بات ہے۔ گرمی میں انسان ہر وہ کوشش کرتا ہے جس سے وہ تھوڑی راحت پا سکے اور گھر ہی ایک ایسی جگہ ہے جہاں وہ سورج کی سختی سے بچ کر آرام کرتا ہے پر ایسے میں اگر گھر کی چھت ہی گرم ہوجائے تو آرام حرام ہوجاتا ہے۔ آج ہم آپکو ایسے ہی کچھ آسان طریقے بتانے جارہے ہیں جن سے آپ چھت کی تپش سے بچ سکتے ہیں اور اس میں آپ کا ذیادہ خرچا بھی نہیں ہوگا۔ تو دیکھتے ہیں وہ کن سے طریقے ہیں۔

کول کوٹنگ:

کول کوٹنگ کو چھت پہ کرنے سے آپ کی چھت کا درجہ حرارت 4 سے 9 ڈگری تک گرتا ہے۔ اسکے کم سے کم دو کوٹ لگتے ہیں، پہلے کوٹ کے 3 گھنٹے بعد دوسرہ کوٹ لگایا جاتا ہے۔ یہ آرام سے دو سال تک چھت کی تپش سے آپ کو بچاتا ہے۔

تھرماکول شیٹس:

تھرماکول آسانی سے ملنے والی اشیاء ہے اور یہ زیادہ مہنگی بھی نہیں ملتی۔ آپ تھرماکول کی شیٹس اپنی چھت پر بچھا سکتے ہیں اور وہ ہوا سے اڑ نہ جائے اس کے لئے آپ اس کے اوپر بڑے پتھر رکھ سکتے ہیں۔

ٹائلس:

ٹائلس چھت کی تپش سے بچنے کا بہترین حل ہے کیونکہ ٹائلس گرمی کو جذب نہیں کرتا اس لئے چھت کی گرمی کمروں تک نہیں پہنچتی، اور ٹائلس آپ کی چھت پر لگی سیلنگ کو بھی خراب ہونے سے بچاتا ہے۔ ٹائلس تھوڑے مہنگے ضرور ہوتے ہیں لیکن یہ لمبا عرصہ چلتے ہیں۔