پاکستان میں جہاں ایک طرف اتنے مسائل ہیں وہیں دوسری طرف کچھ عرصے سے گیس کی کمی اور بندش کا سلسلہ بھی شروع ہوگیا ہے, اور اب تو یہ بجلی کی لوڈشیڈنگ کی طرح معمول بن گیا ہے.

خواتین بیچاری اس مسئلے سے سب سے زیادہ پریشان ہیں, کیونکہ گھر میں کھانا پکانا انکی ذمہ داری ہے لیکن جب گیس ہی نہ آئے یا تھوڑی دیر کے لئے آئے تو وہ بھی کیا کریں.

اسی لئیے آج ہم آپ کو بتا رہے ہیں کچھ ایسی آسان سی ٹپس, جس سے کم گیس اور وقت میں آپ کا کھانا بن سکتا ہے.

آسان ٹپس:

جب گیس تیز آرہی ہو اس وقت کرنے والے کام مندرجہ ذیل ہیں

گوشت کو صاف کر کے اچھے سے ابال کر فریج میں رکھ لیں, اس سے یہ ہوگا کہ جب بھی آپ کو سالن وغیرہ بنانا ہوگا تو آپ کو گوشت گلانے کیلیئے گیس کے تیز آنے کا انتظار نہیں کرنا پڑے گا

اگر آپ کا دال بنانے کا ارادہ ہے تو ایک دن پہلے ہی جب گیس آرہی ہو تو دال کو ابال کر رکھ لیں, پھر ایک دو دن بعد جب بھی کھانی ہو تو بس تڑکا لگا لیں

اسی طرح ہر وہ چیز جو ابالی جا سکتی ہو اسے ابال کر رکھ لیں, تا کہ جب بھی گیس آئے آپ فٹافٹ کھانا تیار کرلیں

ٹماٹروں کو پیس کر اسکا پیسٹ بنا ے فریج میں رکھ لیں تا کہ اسے گلانے یا بھوننے میں زیادہ وقت نہ لگے

پیاز کو کاٹ کر فرائی کر کے ایک پیکٹ میں محفوظ کر دیں اس سے بھی کھانا جلدی بنے گا