پاکستانی عوام کو کسی حال میں سکون نہ دینے والے اب ان سے رمضان المبارک میں سحری اور افطاری کے احتمام کا بھی حق چھیننے میں لگے ہیں۔ پہلے صرف سردی میں گیس کی بندش ہوتی تھی لیکن اب تو موسم بدلنے کے باوجود گیس کی صورتِ حال نہیں بدلی، کبھی اسکا پریشر بلکل کم ہوجاتا ہے تو کبھی بلکل ہی غائب ہوجاتی ہے۔ ایسے میں سحری اور افطاری بنانے میں خواتین کو سب سے زیادہ مشکلات پیش آتی ہیں۔
تو آئیے آج ہم آپ کو گیس کے پریشر کو بڑھانے کی کچھ ٹپس بتاتے ہیں، جو یقیناً آپ کے کام آئیں گی۔
گیس میٹر کا ریگولیٹر:
بعض اوقات گیس کا پریشر کم آنے کی وجہ اسکا ریگولیٹر بھی ہوتا ہے، اسلیئے اپنے گیس میٹر کے نیچے لگے ہوئے ریگولیٹر کو نکالیں اور اس کی صفائی بتائے گئے طریقے سے کریں یا کاریگر سے کروالیں، یوں گیس پریشر بھی بڑھے گا اور گیس کے بل میں اضافی یونٹس کا بھی اضافہ نہیں ہوگا۔
برنر میں کچرا بھر جانا:
اکثر ایسا ہوتا ہے کہ چولہے کے برنر میں موجود سوراخوں میں کچرا یا آٹا یا مصالحہ وغیرہ گھس جانے کی وجہ سے گیس ٹھیک سے نہیں آرہی ہوتی جس کی وجہ سے کھانا بنانے میں دیر ہو جاتی ہے۔ اس کے لیئے ہم آپ کو بتاتے ہیں ویزلین کی ایک زبردست ٹپ، جس سے گیس پریشر تیز آئے گا۔
اس کے لیے آپ ماچس کی تیلیوں کو ویزلین میں لگائیں اور اس کو برنر کے سوراخوں میں گھسائیں اور پھر نکال دیں اس طرح سے ان سوراخوں کی صفائی کے بعد چولہے کو آن کریں اس سے گیس کسی حد تک بڑھ جائے گی۔
کمپریسر لگوانا کیسا ہے؟
کمپریسر جس میں گیس کو بہت پریشر سے جمع کیا جاتا ہے اگر اس کا استعمال بروقت نہ کیا جائے تو اس صورت میں یہ پھٹ بھی سکتا ہے۔ جس کی شدت کم یا زیادہ ہوسکتی ہے اور دوسری طرف چونکہ اس میں جمع شدہ گیس فوراً آگ پکڑتی ہے اس وجہ سے اس کے پھٹنے کی صورت میں ہونے والا نقصان بہت بڑا بھی ہو سکتا ہے۔ ویسے یہ قانونی طور پر گھروں میں لگانا منع بھی کیا جاتا ہے اور ملکی قانون کے مطابق اس کی سزا ایک سے تین سال تک قید اور ایک لاکھ روپے جرمانہ ہے۔