سوئی گیس کی کمی ملک میں بحران کی کیفیت اختیار کرچکی ہے۔ ایسے میں ہرشخص متلاشی ہے کسی ایسے سستے طریقے کا جس سے اس کے گھر کا چولہا بغیر گیس کے بھی چلتا رہے۔ اسی مسئلے سے نپٹنے کے لئے پاکستان میں ایسا چولہا تیار کیا گیا ہے جس سے بغیر گیس اور بجلی کے کھانا تیار کیا جاسکتا ہے۔
چولہا کیسے جلتا ہے؟
یہ چولہا اسٹیل کا بنا ہوتا ہے اور اس میں لکڑی کے بلٹ ڈال کر آگ سلگائی جاتی ہے۔ آگ سلگانے سے پہلے اس میں مٹی کے تیل کا ہلکا سا اسپرے کیا جاتا ہے اور اس میں لکڑی کے بلٹس ڈالے جاتے ہیں۔ جیسے ہی آگ جل جائے اسے ناب کے زریعے کم یا زیادہ بھی کیا جاسکتا ہے۔ چولہے میں ایک چھوٹا پنکھا فٹ ہوتا ہے جو چولہے کو ہوا فراہم کرتا ہے۔
30 روپے روزانہ
چولہے کے بلٹس صرف 30 روپے کے ملتے ہیں جو ایک دن کے لئے کافی ہیں اور اس کا ماہانہ خرچہ 1500 ہے۔ اس چولہے کی سب سے اچھی بات یہ ہے کہ یہ نہ برتن کالے کرتا ہے اور نا ہی زیادہ گیس بناتا ہے۔