سحری میں گیس نہ ہونے کی وجہ سے بہت پریشانی ہونے لگی ہے۔ کیونکہ اکثریت سحری میں روٹی اور سالن کھانا پسند کرتے ہیں۔ لیکن گیس کے نہ ہونے کی وجہ سے خواتین یا تو وقت سے 1 گھنٹہ قبل اٹھ کر سحری بنانا شروع کرتی ہیں یا پھر ٹھنڈا کھانا دیتی ہیں۔ مگر تازہ روٹی کھانے کا مزہ ہی کچھ اور ہے اگر آپ بھی چاہتی ہیں کہ سحری یا افطاری کے وقت نرم و ملائم روٹی بھی ملے اور تازی بھی تو بس بتائی گئی ٹپ کا لازمی استعمال کرنا شروع کردیں۔
ویڈیو میں آپ نے دیکھا کہ خاتون نے ساری روٹیاں بنانے کے بعد گرم توے پر ایک روٹی بناء گیس کے بنا لی ہے، یہ طریقہ آپ بھی استعمال کرسکتے ہیں۔
جس وقت گیس آرہی ہو اس وقت روٹی یا پراٹھے بنا کر رکھ لیں اور روٹیوں کو جس رومال یا کپڑے میں رکھیں اس کے نیچے ادرک کا ایک انچ کا ایک ٹکڑا رکھ کر چھوڑ دیں اس سے روٹی ہو یا پراٹھا دونوں نرم رہیں گے۔
آٹا گوندھے وقت اس میں ایک چمچ میدہ، ایک چمچ چاول کا آٹا، آدھا چمچ بیکنگ پاؤڈر اور تھوڑا سا گھی شامل کرکے گوندھیں تو پکنے والی روٹی تازہ اور نرم رہتی ہے کڑک نہیں ہوتی۔