عید کے آنے سے پہلے خواتین صفائیوں میں مصروف ہوتی ہیں اور گھر میں روزمرہ سے زیادہ صفائی کا اہتمام کیا جارہا ہوتا ہے۔ اس دوران قالین دھونا خواتین کے لئے خاصا مشکل ہوجاتا ہے کیونکہ وہ دیر سے دھلتا ہے اور محنت بھی زیادہ لگ جاتی ہے۔
آپ اس عید پر باآسانی قالینوں کی صفائی کرسکتی ہیں وہ بھی بتائے گئے اس طریقے سے۔
ٹپ:
٭ سب سے پہلے قالین پر اچھی طرح جھاڑو لگائیں اور پھر اس کو کھلے صحن یا چھت پر اچھی طرح پھیلا لیں اور ایک دن اس میں دھوپ لگائیں۔
٭ اگلے روز ایک بالٹی نیم گرم پانی لیں اور اس میں سرف، سفید سرکہ، بیکنگ پاؤڈر، لیموں کا رس اور تھوڑا سا شیمپو ڈال کر اچھی طرح مکس کرلیں۔
٭ اس محلول سے آپ اپنا قالین دھوئیں برش کی مدد سے رگڑ لیں۔
٭ یہ محلول آپ کے قالین کی خوبصورتی کو بھی خراب نہیں کرے گا نہ رنگ خراب ہوگا اور برش کی مدد سے اس کے دھاگے یا فولیکل بھی نہیں نکلیں گے۔
اگر آپ چاہتی ہیں کہ آپ کا قالین لمبے عرصے تک صاف رہے تو اس پر روزانہ جھاڑو یا برش کی مدد سے صفائی کریں اور چھوٹا موٹا کچرا گر جانے کی صورت میں ہاتھ سے ہی اٹھا لیں۔