پاکستان کا درجہ حرارت تیزی سے بدل رہا ہے، کہیں سردی اتنی زیادہ ہے کہ خون جما رہی ہے اور کہیں یہ سردی لوگوں کو مختلف بیماریوں میں مبتلا کر رہی ہے۔ لوگوں کو گھر سے باہر تو ٹھنڈ لگتی ہے مگر گھر کے اندر زیادہ لگتی ہے۔
اور اگر آپ کو بھی زیادہ ٹھنڈ لگتی ہے یا اپنے بچوں کو اس خطرناک سردی سے بچانا چاہتے ہیں تو صرف ببل ریپ کا استعمال کریں اور اس آسان سی ٹپ کو استعمال کرکے سردی سے بچیں۔
ٹپ:
٭ آپ کے گھر میں جتنی کھڑکیاں اور دروازے ہیں ان کی پیمائش کرلیں کہ وہ کتنے انچ یا فٹ کے ہیں۔
٭ اس کے بعد اتنی ہی پیمائش کا ببل رپ کا پیس کاٹیں۔
٭ یعنی اگر آپ کی کھڑکی 2 فٹ 2 انچ کی ہے تو ببل ریپ کا اتنا ہی ٹکڑا کاٹ لیں۔
٭ پھر اس ٹکڑے کو کھڑکی یا دروازے پر چپکائیں، جس کے لئے آپ ببل ریپ کے پلین حصے کو شیشوں یا لکڑی پر چپکا دیں۔
٭ اب ان ببلز ریپ پر پانی کا سپرے کرلیں اور جیسے ہی یہ نکلنے لگیں ان پر ہلکا سا پانی کا سپرے کرلیں اور چاہیں تو ٹیپ کی مدد سے اس کو چپکا لیں ۔
٭ اب دن ہو یا رات آپ کو ٹھنڈ کم محسوس ہوگی ۔
وجہ
٭ اس کی وجہ یہ ہے کہ ببل ریپ اپنے اندر ہوا کو جذب کرلیتا ہے اور موسمیاتی اثرات ان ببلز (غباروں کے اندر جذب) ہوجاتے ہیں جس کی وجہ سے اندر کے ماحول میں باہر کے درجہ حرارت سے قدرے گرمائش پیدا ہوجاتی ہے۔ یہی وجہ ہے کہ 1979 سے یہ ٹپ بہت سرد ممالک کے گھروں اور چھوٹی صنعتوں میں استعمال کی جاتی ہے۔