بارشوں کے موسم میں جہاں کیڑے مکوڑے اور مکھیوں کی تعداد میں اضافہ ہوتا ہے وہیں زمین کے اندر سے مزید حشرات نکل آتے ہیں اور اکثر دیواروں اور فرنیچر میں دیمک لگ جاتی ہے جس کی وجہ سے بہت نقصان ہوتا ہے اگر یہ مسئلہ آپ کے ساتھ بھی ہو رہا ہے اور گھر میں موجود مہنگا فرنیچر خراب ہو رہا ہے تو بس بتائے گئے طریقوں کو آپ بھی استعمال کیجیے تاکہ دیمک جیسی بلا کو گھر سے فارغ کرسکیں۔

ٹپس:

٭ ہائیڈروجن پرآکسائیڈ نامی کیمیکل آپ کو کسی بھی کیمیکل کی دکان سے بآسانی مل جائے گا اس کو سپرے بوتل میں ڈال دیں اور جس جگہ دیمک لگ گئی ہو اس کو سپرے کریں لیکن دھیان رہے کہ آپ اپنے ہاتھوں پر موٹے دستانے پہن لیں اور سر کو بھی ڈھانپ لیں تاکہ اس کیمیکل کا ذرا سا بھی چھینٹا آپ کے جسم پر نہ لگے۔

٭ دیمک کو ختم کرنے کے لیے بوریکس بھی فائدے مند ہے۔ ایک کپ پانی میں 5 سے 6 چمچ بوریکس پاؤڈر کا گاڑھا محلول بنائیں اور اس کو دیمک لگے حصے پر لگائیں اس طرح دیمک بھی ختم ہوگی اور دیوار بھی بالکل صاف ہو جائے گی۔

٭ نیم کا تیل اور تمباکو کے پاؤڈر کو اچھی طرح مکس کریں اور دیمک والے حصے پر لگادیں اس جگہ کو 1 گھنٹے کے لیے بند کردیں اور پھر اس کو بلیچنگ لیکوئیڈ سے سپرے کرکے صاف کر دیں۔ یوں آپ کی دیوار بھی صاف ہو جائے گی اور سارے جراثیم بھی نکل جائیں گے۔