آج ہم آپ کو بتا رہے ہیں گھر میں با آسانی کرسپی گول گپے بنانے کا آسان طریقہ جس سے آپ کر سکیں گے انہیں گھر میں ہی تیار جو سب کو اتنے پسند آئیں گے کہ منٹوں میں چٹ ہو جائیں گے تو چلیں اس کی ترکیب جان لیتے ہیں۔
اجزاء:
گول گپے کا آٹا بنانے کے لئے
ایک کپ سوجی
آدھا کپ میدہ
ایک چائے کا چمچ نمک
پانی حسبِ ضرورت
گول گپے کا پانی بنانے کے لئے
آدھا پاؤ املی کا پانی
آدھا چائے کا چمچ کالی مرچ
آدھا چائے کا چمچ لال پسی مرچ
آدھا چائے کا چمچ کالا نمک
آدھا چائے کا چمچ امچور پاؤڈر
فلنگ کے لئے
ایک عدد باریک کٹی ہوئی پیاز
ایک عدد چکور ٹکڑوں میں کٹا ہوا آلو
ایک پیالی دہی
ایک کپ اُبلے ہوئے چھولے
گول گپے بنانے کی ترکیب
ایک پیالے میں ایک کپ سوجی اور آدھا کپ میدہ اور نمک شامل کر کے پانی سے آٹا گوندھ لیں آتا نرم نہ ہو اسے سخت گوندھیں، اب اس آٹے کو 10 منٹ کے لئے رکھ دیں پھر اس کے چھوٹے چھوٹے پیڑے بنا کر پتلہ بیل لیں اور گول ٹیکیوں کی طرح انہیں کاٹ کر تیز گرم تیل میں فرائی کر لیں، اب ایک پیالے میں ملی کا پانی، کالا نمک، پسی لال مرچ، امچور پاؤڈڑ پسی کالی مرچ ڈال کر مکس کر لیں، اب گول گپے میں آلو، پیاز، دہی، چھولے ڈالیں اسے پانی میں بھگو کر اس میں پانی بھریں اور مزے لے کر کھائیں تیار ہیں بازار جیسے کرسپی گول گپے۔