قربانی کا گوشت فریزر میں جما جما کر رکھ دیتے ہیں لیکن جب اس کو پکانے کے لیے نکالتے ہیں تو اس میں اس قدر برف جمی ہوئی ہوتی ہے کہ گوشت کو الگ کرنا مشکل ہو جاتا ہے۔ کچھ لوگ تو اس وجہ سے گوشت کو 2 گھنٹے پہلے فریزر سے نکال کر رکھتے ہیں تاکہ گوشت میں سے برف الگ ہو جائے اور یہ بآسانی نکل جائے۔ اگر آپ کے ساتھ بھی یہی مسئلہ ہے تو ماہر شیف نے اس کو حل کرنے کا آسان طریقہ بتا دیا ہے، اس عید آپ بناء کسی پریشانی کے فریزر میں رکھا ہوا گوشت 10 منٹ پہلے نکال کر بآسانی بناسکتی ہیں۔
٭ فریزر میں سے گوشت کو نکال کر ایک پیالے میں رکھیں اس میں 2 چمچ نمک، 2 چمچ میٹھا سوڈا ڈال کر بھگوئیں اور چمچ کی مدد سے ایک مرتبہ مکس کرلیں۔
* اگر گوشت 10 منٹ میں الگ ہونا شروع نہ کرے تو تھوڑا سا گرم پانی اس میں شامل کرلیں، یہ جلدی الگ ہو جائے گا اور آپ کو پکانے میں کوئی مسئلہ بھی نہیں ہوگا۔