حلیم ہر پاکستانی کی پسندیدہ ترین غذاؤں میں سے ایک ہے لیکن اس کو بنانا اتنا ہی جھنجھٹ والا کام ہے۔ اس آرٹیکل میں آپ کو حلیم بنانے کا آسان ترین طریقہ بتایا جائے اور ساتھ ہی چند ٹپس سے سے آپ لیس دار، گاڑھا اور ذائقہ دار بنے گا۔

ترکیب:

بڑے برتن میں تیل ڈالیں اور کٹی ہوئی پیاز کو درمیانی آنچ پر سنہرا ہونے تک پکائیں۔ گوشت ڈال کر سرخی ختم ہونے تک پکائیں۔ ادرک لہسن پیسٹ ڈال کر دوبارہ پکائیں۔ اب سے میں ہلدی، پسی لال مرچ، نمک، لونگ، دھنیہ، دار چینی، کالی مرچ، پسا ہوا زیرہ ڈال کر مکس کریں۔ اور پانی ملا کر بیس منٹ تک پکنے دیں۔

ایک اور بڑی دیگچی میں تمام دالیں، گندم اور اناج پانی میں ڈال کر ابال لیں۔ گندم نرم ہوجانے پر نمک ملائیں اور دس منٹ مزید پکائیں۔ جھاگ آنے لگے تو اسے نکال دیں اور اگر مزید پانی کی ضرورت ہو تو شامل کرکے اتنا پکائیں کے سب دالیں گل کر نرم ہوجائیں۔ اس کے بعد گوشت والا ملغوبہ اس میں ملا دیں اور گھوٹتے رہیں۔ جب لیسدار ہوجائے تو اسے لوازمات کے ساتھ گرما گرم پیش کریں۔

حلیم کو ذائقہ دار بنانے کے ٹپس

حلیم کے لئے ایک بڑے برتن کا انتظام کریں تاکہ سارے مصالحے اچھی طرح مکس ہوں اور ذائقہ دار حلیم تیار ہوسکے۔

سالن کو گاڑھا اور لیس دار بنانے کے لئے بھنی ہوئی پیاز کو پیس کر شامل کرنے سے حسبِ منشاء نتائج مل سکتے ہیں۔ لیکن اس بات کا خیال رکھیں کہ پیاز بہت زیادہ تل کر کالی نہ ہوجائے۔

حلیم پکانے کے دوران صرف لکڑی کا چمچ استعمال کریں کیونکہ پلاسٹک کا چمچ کمزور ہوتا ہے جس سے گھونٹنا ممکن نہیں جبکہ اسٹیل کے چمچ سے گیہوں اکڑنے لگتا ہے۔

گیہوں ابل جائے تو اس کے اوپر لیس آنے لگتا ہے جس میں اگر کھانے کا سوڈا شامل کیا جائے تو حلیم ذائقہ دار بنتا ہے