عید پر چٹ پٹے، مصالحے دار کھانا کھانے سے زیادہ تر لوگوں کا پیٹ خراب ہو جاتا ہے تو کسی کو قبض ہو جاتی ہے، کسی کی بدہضمی تو کسی کو سینے میں تیزابیت کے مسائل۔ کچھ ایسے بھی لوگ ہوں گے جنہیں عید کے 3 روز تو گوشت کھانے سے پیٹ میں تکلیف نہیں ہوئی ہوگی، لیکن بعد ازاں پیٹ میں مروڑ اور شدید درد کی شکایت شروع ہوگئی ہوگی، ان سب کے لیے آج سستا اور آسان چورن بنانے کا طریقہ بتانے جا رہے ہیں جس کو حکیم مجرب نسخہ کے طور پر لوگوں کو دیتے ہیں۔ بس اس چورن کو ایک گلاس نیم گرم پانی یا تیز گرم پانی میں ڈال کر مکس کرکے پی جائیں۔

چورن کیسے بنائیں؟

٭ پنسار کی دکان سے آدھی چھٹانک پہاڑی پودینہ، آدھی چھٹانک مصری اور 5 کھانے کے چمچ بیکنگ سوڈا لے لیں۔ ان تمام چیزوں کو اچھی طرح پیس کر باریک پاؤڈر تیار کرلیں۔

٭ دن میں 2 مرتبہ یا جب بھی پیٹ میں درد اور ہاضمے کی شکایت ہو، ایک چمچ اس چورن کو نیم گرم پانی میں ڈال کر چمچ سے مکس کریں اور ایک سانس میں گلاس پی جائیں۔

٭ اس سے ہر قسم کا کھانا فوری ہضم ہو جائے گا اور اگر آپ کو گیسٹرک کا مسئلہ ہوگیا ہو تو بھی اس چورن کو آپ استعمال کیجیے، لیکن وہ خواتین جو حاملہ ہیں وہ اپنے ڈاکٹر سے ہی مشورہ کریں۔