سردی میں گھر کو گرم رکھنے کے لئے ہیٹر کا استعمال تیزی سے کیا جاتا ہے۔ کوئی گیس کا ہیٹر لیتا ہے تو کوئی الیکٹریکل ہیٹر۔ لیکن ہیٹر خریدنا ہر کسی کے لئے آسان نہیں ہوتا۔ کچھ لوگ سردی میں محدود وسائل ہونے کی وجہ سے زیادہ سردی لگنے کی صورت میں چولہے یا انگھیٹی پر ہاتھ سیکتے ہیں۔ جس سے ہاتھ جلنے یا کپڑوں میں آگ لگنے کا خدشہ رہتا ہے۔
لیکن ایسے موسم میں رات سونے سے قبل آپ پریشر کُکر میں پانی گرم کریں اور اس کو کمرے میں رکھ لیں۔ اس سے کمرے میں گرمائش پیدا کی جا سکتی ہے۔
یہ وہ آسان طریقہ ہے جو اب تک شاید ہی کسی پاکستانی نے استعمال کیا ہو۔ اگر آپ بھی اس سردی کمروں کو ہیٹر کے بغیر گرم رکھنا چاہتے ہیں تو یہ طریقہ ضرور اپنائیں۔
اس کے علاوہ انجیر کا استعمال زیادہ سے زیادہ کریں، چونکہ اس کی تاثیر گرم ہوتی ہے یہ آپ کے جسم کو بیرونی ٹھندک کے احساس سے بھی بچاتی ہے اور جسم کو اندرونی طور پر گرم رکھتی ہے۔
ابلا ہوا پانی پینے سے آپ کی صحت بھی برقرار رہتی ہے اور یہ پانی رکھے رکھے زیادہ ٹھنڈا بھی نہیں ہوتا لہٰذا یہ بھی ایک آسان طریقہ ہے۔ اسے ہر کوئی استعمال کرسکتا ہے۔