گھر کی صاف صفائی کا خیال رکھنا ہر حال میں ضروری ہے۔ جس سے صحت بھی اچھی رہتی ہے اور گھر کا ماحول بھی صاف ستھرا رہتا ہے۔ آج کل تو خواتین ہی نہیں بلکہ مرد حضرات بھی خود ہی گھر کی مختلف چیزوں کی صفائی کرنے لگ جاتے ہیں چاہے وہ پنکھے ہوں یا پردے کیونکہ گندگی تو کسی کو بھی پسند نہیں ہوتی۔ سارا مسئلہ ان چیزوں کو صاف کرنے کا ہے۔ اگر ہم بات کریں گھر کے صوفوں کی جو یا تو فوم کے بنے ہوں یا پھر لکڑی کے ان کی صفائی کرنا قدرے مشکل ہی ہوتا ہے۔

لکڑی کے صوفوں میں گدیاں ہوتی ہیں جن کے کوور اتار کر دھو لیے جاتے ہیں اور صوفے کی لکڑی کو پالش یا کلینر سے صاف کرکے کام بن جاتا ہے۔ مگر فوم کے صوفے یا ماڈرن ڈیزائن والے صوفوں کی صفائی کرنا گھر میں ممکن نہیں ہو پاتا ان کے ڈیزائن میں اندر اتنی گندگی اور مٹی پھنس جاتی ہے کہ ان کو نکالنا مشکل ہو جاتا ہے۔

لیکن اب گھر کے کاموں کے لیے جدید طریقے بھی آگئے ہیں۔ آپ اگر خود سے گھر کی چیزوں کو صاف نہیں کر پاتے کسی کو پردے دھونے میں مشکل ہوتی ہے تو کوئی اے سی کو صاف نہیں کر پاتا کسی کو صوفے صاف کرنے میں دشواری ہوتی ہے۔

ان تمام مسائل کا اب صرف ایک ہی حل ہے اور وہ ہے ایک فون کال۔۔ آپ کو سن کر حیرانی ہوگی لیکن اب آپ صرف ایک فون کال کے تحت اپنے گھر کے تمام کام اپنی نگرانی میں بحافظت کرواسکتے ہیں۔ جس کے لیے فیس بک پر آپ کو مختلف ایسی ہوم سروسز کے پیجز مل جائیں گے جن کو آپ صرف ایک کال کریں ان کو اپنے گھر کے کام بتائیں، ان کی ٹیم بحفاظت آپ کے گھر آ کر ذمہ داری سے مقررہ وقت پر کام کرکے دے گی جس کے عوض آپ کو انہیں آن لائن پیسے ٹرانسفر کرنے ہوں گے۔

صوفے یہ بالکل نئے جیسے صاف ستھرے کردیں گے۔ اس کام کے حوالے سے اداکارہ نادیہ خان اور ان کے شوہر نے اپنی ایک ویڈیو میں بتایا کہ کیسے یہ لوگ اے سی، پنکھے، چولہے، پردے، قالین غرضیکہ گھر کی ہر چیز بآسانی صاف کردیتے ہیں۔

اداکارہ ثانیہ سعید نے بھی اپنی ایک ویڈیو شیئر کی جس میں انہوں نے بتایا کہ ان کو اپنے گھر میں باغبانی کروانی تھی، پودے لگوانے تھے جس کی وجہ سے انہوں نے اس ٹیم سے رابطہ کیا جنہوں نے مقررہ وقت میں ان کا گھر خوبصورت پھول پودوں سے بھردیا۔