گھر کی صاف صفائی ہمیشہ سے ہی خواتین کیلیئے ایک مشکل چیلنج رہا ہے، کیونکہ یہ وہ کام ہے جو کبھی ختم نہیں ہوتا۔ دیکھنے میں معمولی لگنے والے اس کام میں محنت اور پیسہ دونوں خرچ ہوتے ہیں کیونکہ آج کل ہر چیز کے ہی دام بڑھ گئے ہیں اور اس میں بلیچ، ڈٹرجنٹ اور واش روم کلینر بھی شامل ہیں۔
اسی لیئے آج ہم لائے ہیں خواتین کیلیئے ایک سستا اور گھریلو طریقہ، جس سے ان کا باتھ روم، واش بیسن اور ٹائلز سب ایک دم چمک اٹھیں گے۔
اجزاء:
۔ 125 گرام بیکنگ سوڈا
۔ 40 گرام نمک
۔ ایزینشل آئل (اگر چاہیں تو خوشبو کیلیئے)
بلیچ پاؤڈر بنانے کا طریقہ:
ایک کانچ کی بوتل میں بیکنگ سوڈا، نمک اور ایزینشل آئل کے چند قطرے ڈال کر اسے ہلائیں، تا کہ تینوں چیزیں آپس میں اچھی طرح مل جائیں۔ اب اس پاؤڈر کو بیسن میں چاروں طرف چھڑک دیں، اسکے بعد جالی یا کسی کپڑے سے اچھی طرح صاف کریں پھر پانی ڈال کر سوکھے کپڑے سے پونچ لیں۔
باتھ صاف کرنے کیلیئے اس پاوڈڑ کو چاروں طرف ڈال کر چھوڑ دیں، پھر برش سے رگڑیں، جب داغ دھبے نکل جائیں تو پانی ڈال دیں۔ اسی طرح آپ اس پاؤڈر سے ٹائلز کے دھبے بھی نکال سکتی ہیں، یہ ڈٹرجنٹ کی طرح کام کرتا ہے۔