چکن روسٹ تو سب نے ہی کبھی نہ کبھی ہوٹل جا کر کھایا ہوگا، لیکن کیا آپ لوگوں نے کبھی اسے گھر پر بنا کر ٹرائے کیا؟ اگر نہیں تو آج ہم آپ کو بتاتے ہیں چکن روسٹ کیسے بنایا جاتا ہے وہ بھی بلکل آسان طریقے سے۔

اجزاء:

۔ چکن (لیگ پیس) 1 کلو

۔ ادرک لہسن 2 چمچ

۔ لال مرچ 2 چمچ

۔ خشک دھنیا کُٹا ہوا 2 چمچ

۔ زیرہ کُٹا ہوا 2 چمچ

۔ چاٹ مصالحہ 2 چمچ

۔ نمک 1 چمچ

۔ دہی 1 پاؤ

۔ سرکہ 4 چمچ

۔ تیل 4 چمچ

روسٹ بنانے کا طریقہ:

۔ سب سے پہلے چکن کے ٹکڑوں پر چیرا لگائیں، پھر اس میں اوپر دیئے گئے سارے مصالحے اور دہی شامل کر کے 3 سے 4 گھنٹے میرینیٹ ہونے کے لیئے رکھ دیں

۔ اب کانچ کی ٹرے میں چکن رکھ کر بچا ہوا مصالحہ اوپر ڈال کر اس میں تیل شامل کریں اور پھر فوائل پیپر ٹرے کے اوپر لپیٹ دیں

۔ اوون کو 180 ڈگری پر پہلے سے گرم کرلیں، پھر اسے 190 کر کے اس میں چکن کی ٹرے رکھیں اور آدھا گھنٹہ (30 منٹ) تک بیک کریں

۔ 20 منٹ تک فوائل کے ساتھ بیک کریں اسکے بعد فوائل ہٹا کر ٹیمپریچر کو 250 پر رکھ کے 10 منٹ بیک کریں

۔ آخر میں چکن نکال کر اس پر بچا ہوا مصالحہ ڈالیں، اور کھانے کے لیئے پیش کریں

۔ لیجیئے مزیدار اور جوسی چکن روسٹ تیار ہے!