گلا خراب یا کھانسی ہوجائے تو بڑے تو کسی نہ کسی طرح دوا پی لیتے ہیں مگر بچوں کو دوا پلانا کافی مشکل مرحلہ ہوتا ہے. اسی ہم آپ کو گھر میں ہی ایسا کھانسی کا سیرپ بنانا سکھا رہے ہیں جس کا ذائقہ اتنا مزیدار ہے کہ بچے خود مانگ کر پئیں گے.
اس کے لئے ثابت ادرک، دو تین گانٹھ ثابت ہلدی اور دو سے تین ثابت آملہ کو چولہے پر رکھ کر ان کا چھلکا سیاہ ہونے تک پکائیں اور چولہا بند کر کے ان کا چھلکا اتار کر چھوٹے ٹکڑے کر لیں. اب اسے ہلکا پانی کا چھیبٹا مار کر گرائینڈ کر لیں.
پین میں ایک بڑا چمچ دیسی گھی ڈال کر اس آمیزے کو مکس کر کے دھیمی آنچ پر پکائیں ساتھ ساتھ چمچ ہلاتی رہیں. اب اسی آمیزے کے ہم مقدار گڑ لے کر اس میں ڈال دیں اور دوبارہ پکائیں. چند دانے سیاہ مرچ اور تلسی کے پھول باریک پیس کر اس میں شامل کریں اور گاڑھا ہونے تک پکائیں پھر چولہا بند کر کے ٹھنڈا کر لیں.
یہ سیرپ کسی ائیر ٹائٹ بوتل میں رکھ کر محفوظ کیا جاسکتا ہے. بچے اور بڑوں سب کے لیے مفید ہے اور پرانی سے پرانی کھانسی کا علاج بھی کرتا ہے.