پہلے با آسانی ملنے والے مانڈے (سموسہ پٹی) کے ٹھیلے پر اب ایک ہجوم سا نظر آتا ہے، جو ایک دوسرے کو دھکے دیتے ہوئے پہلے لینے کی تاک میں ہوتا ہے کہ کہیں ختم نہ ہوجائیں۔ مطلب ایک تو بندہ اتنے مہنگے لے رہا ہے اوپر سے لمبی لائن میں بھی لگا ہے، پھر بھی خالی ہاتھ گھر آرہا ہے

اسی لیئے آپ کو روزے میں ان خواریوں سے بچانے کیلیئے ہم لائے ہیں ایک ایسا طریقہ، جس سے آپ گھر میں با آسانی سموسہ پٹی بنا سکتی ہیں وہ بھی بغیر گیس کے۔

سموسہ پٹی بنانے کیلیئے:

۔ میدہ 2 کپ چھان کے

۔ تیل 2 چمچ

۔ نمک ایک چوتھائی چمچ

۔ نیم گرم پانی 2 کپ

ایک تھال میں یہ تمام چیزیں ڈال کر میدہ گوندھ لیں اور تھوڑی دیر ڈھک کے رکھ دیں

اب ایک برتن میں 2 چمچ تیل اور 1 چمچ گھی ڈال کر گرم کر لیں، اور اس میں 2 چمچ میدہ ڈال کر اچھی طرح مکس کریں اور ایک سافٹ سا مکسچر تیار کریں

۔ اب میدے کے پیڑے بنائیں اور بیل کر بڑی بڑی روٹیاں بنا کر رکھ لیں

۔ پھر ایک روٹی پر میدے کا مکسچر چاروں طرف لگا کر چھنا ہوا میدہ اس پر ڈال کر دوسری روٹی اس پر رکھیں، پھر میدہ اور مکس کیا گیا مکسچر لگائیں اور دونوں کو اوپر نیچے رکھ دیں اسی طرح 3 سے 4 روٹیاں اوپر نیچے رکھ لیں

۔ پھر اس کے نیچے اوپر بٹر پیپر رکھ کر ان روٹیوں کو اچھی طرح بیل لیں، اسکے بعد ہلکی گرم استری کو اس پر پھیرتے جائیں یہاں تک کہ بٹر پیپر روٹی سے ہٹ کر الگ ہونے لگے۔

۔ اب پٹیوں کو آہستہ آہستہ ایک دوسرے سے علیحدہ کریں، اور اپنی مرضی مطابق کاٹ لیں۔ اس طریقہ کار سے سموسہ پٹی باریک اور نرم ملائم بنیں گی۔