چولہا بار بار گندا ہوتا ہے جسے صاف کرنا کافی محنت طلب کام ہے. البتہ یہ کام آپ گھر میں بچی چائے کی استعمال شدہ پتی سے کرسکتے ہیں. کیسے؟ آئیے آپ کو بتاتے ہیں
چائے بنانے کے بعد جو پتی بچ جاتی ہے اسے پھینکنے کے بجائے چکنے اور گندے چولہے پر ڈال دیں اور مل مل کر صاف کر لیں. یہ پتی تمام چکناہٹ اور گندگی جذب کر لے گی اور بغیر پانی یا ڈٹرجنٹ کے چولہا چمک اٹھے گا.
اگر آپ کے پاس پرانی لپ اسٹک بے کار پڑی ہوئی ہو تو اسے زرا سا نکال لیں اور 2 بڑے چمچ پیٹرولیم جیلی میں اچھی طرح مکس کر کے کسی چھوٹی ڈبیا میں رکھ لیں. یہ بہترین لپ بام کا کام دے گی. اسی طرح کولڈ کریم میں لپ اسٹک کا گلابی رنگ مکس کر کے میک اپ کے طور پر استعمال کیا جاسکتا ہے.
کیلے کے چھلکے بڑے کام کی چیز ہیں. گندے جوتوں کے لیے اگر پالش ختم ہوجائے تو ایک چمچ سرسوں کا تیل جوتوں پر ڈال کر کیلے کے چھلکے ملیں. جوتے نئے جیسے ہوجائیں گے.