اکثر اوقات ایسا ہوتا ہے کہ بستر پر بیٹھ کر کھانے پینے سے اس پر پانی یا چائے وغیرہ گر جاتی ہے، ایسے میں جتنا دکھ اسکے گرنے کا نہیں ہوتا اس سے کہیں زیادہ اس بات کو سوچ کر پریشانی ہوتی ہے کہ اب اسے صاف کیسے کیا جائے۔ کیونکہ ایک تو آپ بستر کو دھو نہیں سکتے اور دوسرا اگر اسے پانی سے صاف کر کے سکھایا جائے تو وہ برا سا دھبّا چھوڑ دیتا ہے۔
اسکے علاوہ جن کے گھروں میں چھوٹے بچے ہوتے ہیں وہاں تو یہ معمول کی بات ہے۔ کبھی بچے بستر پر کچھ گرا دیتے ہیں تو کبھی سو سو کر کے گیلا کردیتے ہیں، ایسے میں خواتین کا کام اور بڑھ جاتا ہے
ایسی صورتِ حال سے بچنے کیلیئے آپ کو ضرورت ہے ایک واٹر پروف چادر کی، جو گیلا پن بھی روکے اور بستر کو داغ دھبوں سے بھی بچائے۔ لیکن چونکہ وہ ہر کوئی خرید نہیں سکتا، اسلیئے آج ہم آپ کو گھر پر ہی واٹر پروف چادر بنانے کا طریقہ بتائیں گے۔
گھر پر واٹر پروف چادر بنانے کا طریقہ:
۔ آپ نے روڈ وغیرہ پر بینر لگے تو لازمی دیکھے ہونگے، بس آپ کو اسی طرح کا ایک سیکنڈ ہینڈ (استعمال شدہ) بینر لینا ہے جو مارکیٹ میں مل جاتے ہیں
۔ اسکے بعد بستر پر بچھانے والی کوئی بھی چادر لے کر اسے بینر کے حساب سے کاٹ لیں
۔ اب سلائی مشین کی مدد سے بینر کے اوپر چادر رکھ کر اسے سی دیں
۔ چاہیں تو بینر کو بیچ میں رکھ کر دونوں طرف چادر لگا کر بھی آپ سی سکتی ہیں
۔ اگر بینر نہیں لگانا چاہتیں تو مارکیٹ سے واٹر پروف چادر کی ایک شیٹ ملتی ہے، آپ اسے بھی خرید کر چادر میں لگا کے سی سکتی ہیں۔
مکمل طریقہ کار جاننے اور سمجھنے کیلیئے نیچے دی گئی ویڈیو دیکھ سکتے ہیں