سردیاں آگئی ہیں اور گھروں میں کمبل اور رضائیاں نکلنا شروع ہوگئی ہیں، کیونکہ ہمارے یہاں اتنی سردی ہوتی نہیں ہے اسلیئے آدھے سے زیادہ سال وہ الماری یا پیٹی میں پڑے رہتے ہیں۔

جیسے ہی ہوا میں کھنکی محسوس ہوتی ہے تو ان کو نکال کر دھوپ دی جاتی ہے اور پھر ڈرائی کیلیئے بھیج دیا جاتا ہے جس کے دکان والا اچھے خاصے پیسے لے لیتا ہے۔

اسی لیئے آج ہم آپ کو بتائیں گے کہ واشنگ مشین میں آپ گھر پر بھاری اور ڈبل بلینکٹ یعنی کمبل اور رضائی کیسے دھو سکتی ہیں، اسکا طریقہ کار نہایت آسان ہے تو آئیے شروع کرتے ہیں۔

کمبل مشین میں دھونے کا طریقہ:

۔ سب سے پہلے آپ کو یہ دیکھنا ہے کہ کمبل کا سائز کتنا ہے آیا وہ آپ کی مشین میں باآسانی دھل بھی پائے گا یا نہیں

۔ اگر مشین میں جگہ ہے تو آپ ایک وقت میں دو کمبل دھوسکتی ہیں، اور اگر کمبل بڑا ہے تو اسے اکیلے دھوئیں

۔ کمبل یا رضائی جو بھی ہے پہلے اسے اچھی طرح سے جھٹک کے کھول لیں، اس کے بعد مشین میں پانی بھر کے اسے اس میں ڈال دیں

۔ رضائی یا کمبل دھوتے وقت سرف کے بجائے لیکویڈ ڈٹرجنٹ کا استعمال کریں، کمبل کے سائز کے حساب سے

۔ اگر آپ کے پاس آٹومیٹک مشین ہے تو اس میں لیکویڈ ڈٹرجنٹ کا آپشن موجود ہوتا ہے وہاں اسے ڈال کر مشین کو اسٹارٹ کردیں

۔ آٹومیٹک مشین میں آپ کو اسٹارٹ کے بعد دوسرے آپشن بھی سلیکٹ کرنے پڑیں گے، اگر کمبل بھاری ہے تو آپ ہیوی کا بٹن دبائیں ورنہ نارمل کا

ڈبل اور وزنی کمبل دھونے کا طریقہ:

۔ اگر آپ کے پاس ڈرائیر والی واشنگ مشین ہے تو اس میں بڑا اور وزنی کمبل با آسانی دھل سکتا ہے، اس کا طریقہ جاننے کیلیئے نیچے دی گئی ویڈیو آپ دیکھ سکتے ہیں