ٹی بیگ استعمال کر لیا ہے تو اسے پھینکیں مت ۔۔ جانیئے استعمال شدہ ٹی بیگ کے چند حیرت انگیز فوائد جو آپ کی کئی مشکلات آسان کر سکتے ہیں

image

موجودہ زمانے میں ہر چیز کو دوبارہ استعمال کرنے کے رجحان میں کافی اضافہ ہوا ہے اس کی وجہ یہ ہے کہ مختلف چیزوں جتنا ہو سکے دوبارہ استعمال کر کے فائدہ اٹھایا جائے۔اکثر دیکھا گیا ہے کہ لوگوں کی بڑی تعداد ٹی بیگس کو استعمال کے بعد سوچے سمجھے بغیر پھینک دیتے ہیں کہ یہ اب استعمال کے قابل نہیں مگر ایسا نہیں ہے یہ نہ صرف دوبارہ استعمال میں لائے جاسکتے ہیں بلکہ ہمارے کافی مسائل بھی حل کر دیتے ہیں جن سے ہمارا روز مرہ زندگی میں واستہ بھی پڑتا ہے۔یہاں ایسے کئی مسائل کا ذکر کیا جارہا ہے جن کا حل ٹی بیگز میں موجود ہے۔

آنکھوں کے کئی مسائل کا حل

نیند کی کمی اوراسٹر یس کی وجہ سے آئی بیگز اور سیاہ حلقے بن جاتے ہیں۔ گرین یا بلیک ٹی بیگز میں ان تمام کا حل موجود ہے ان میں موجود کیفین اور ٹیننس جلد کو ٹائٹ کرنے کی بھر پورصلاحیت رکھتی ہیں اور ساتھ ہی اینٹی آکسیڈینٹ سے بھر ہو نے کی بنا پر جلد کے لئے سکون کا بائث بنتی ہیں۔اسے استعما کے بعد فریج میں ٹھنڈا ہو نے کے لئے رکھ دیں پھر آنکھوں پر بیس منٹ تک رکھیں اور پانی سے دھو لیں،اس عمل کو ہفتے میں کئی بار دہرائیں اور ان مسائل سے چھٹکارا پائیں۔

سورج سے جھلسی جلد کے لئے

دھوپ سے جھلسی ہوئی جلد پرفریج میں رکھے ٹی بیگز استعمال کریں یہ اس کا سستا اور آسان حل ہے اسے نہ صرف دھوپ سے جھلسی ہوئی جلد کے لئے بلکہ شہد کی مکھی کے کاٹنے اور ریشیز کے لئے بھی استعمال کیا جاسکتا ہے۔

فریج کی ناگوار مہک کا خاتمہ

اگر فریج کی صفائی کا خیال نہ رکھا جائے تو اس میں ایک ناگوار سی مہک بس جاتی ہے اس سے نجات کے لئے کسی کھلے برتن میں چند استعما شدہ گرین ٹی بیگس ڈال کر چند دن کے لئے رکھ دیں،یہ ہر طرح کی بو کو دور کر دے گا۔

آئینہ چمکانے کے لئے

آئینہ چمکانے کے لئے ہم اکثر وبیشتر اخبار استعمال کرتے ہیں جس سے آئینہ چمک جاتا ہے لیکن اب یہی کام آپ ٹی بیگزسے بھی لے سکتے ہیں۔ اس کے لئے دوبلیک ٹی بیگز ایک چوتھائی لیٹر پانی میں میں ابال لیں،ٹھنڈا ہو نے پر صاف کپڑے کو اس میں بھگوکر نچوڑ لیں اب اس سے آئینہ اور شیشے سے بنی اشیاء صاف کریں یہ چمکنے لگیں گے۔

سیاہ کپڑوں کو نیا بنائیں

سیاہ کپڑوں کا رنگ کئی بار استعمال کے بعد ہلکا ہو نے لگتا ہے جس سے وہ پرانے لگتے ہیں انہیں دوبارہ نیا بنانے کے لئے ایک کپ پانی میں حسب ضرورت بلیک ٹی بیگز کو ابالیں اور اب اس پانی میں چار کپ پانی شامل کر کے جس کپڑے کو رنگنا ہو اسے ڈال کر دس منٹ کے لئے رہنے دیں، پھر نچوڑ کر سکھا دیں۔

لکڑی کے فرنیچر کو صاف کریں

بلیک ٹی میں ایسے ایسڈ پائے جاتے ہیں جو پالش کا کام کرتے ہیں جس سے آپ فرنیچر صاف کر کے چمکدار بنا سکتے ہیں۔اس کے لئے چار بلیک ٹی بیگز کو ایک لیٹر پانی میں ابال لیں،ٹھنڈا ہو نے پر میں نرم کپڑے کو ڈبوکر نچوڑ لیں اس سے فرنیچر صاف کریں یہ پالش کی طرح کا م کرے گا۔

جوتوں سے ناگوار مہک کا خاتمہ

استعمال شدہ ٹی بیگز کو موزے میں ڈال کر جوتوں میں رکھ دیں یہ ہر طرح کی بو کو جذب کر دیگا۔

بہترین کھاد بنائیں

چائے کی پتیوں میں نائٹروجن وافر مقدار میں پایا جاتا ہے جو پودوں کی بہتر نشوونما کے لئے بہت ضروری ہو تا ہے یہی وجہ ہے کہ ٹی بیگز ایک بہترین کھاد کے طور پر استعمال کیے جاتے ہیں استعمال شدہ ٹی بیگز کو پودوں کے گملوں یا کیاریوں میں کھاد کے طور ڈال دیں۔

کوڑے دان کی بو کو ختم کریں

گھروں میں موجود کوڑے دان(ڈسٹ بن) میں ہر طرح کا کچرا پھینکا جاتا ہے جس کی وجہ ایک عجیب سی بو گھر میں پھیل جاتی ہے اس سے نجات کے لئے استعمال شدہ چند خشک ٹی بیگز کو کوڑے دان کے پیندے میں رکھ دیں یہ بو کو جذب کر کے گھر کی فضا کو ناخوشگوار مہک سے پاک کر دیں گے۔

WATCH LIVE NEWS

You May Also Like :
مزید

Istemal Shuda Tea Bags Ke Istemalat

Istemal Shuda Tea Bags Ke Istemalat - Read the best tips, tricks & totkay of Tips And Tricks. These tips and tricks are specially developed to cater your needs of Tips And Tricks. Now, you do not have to visit multiple websites to be aware about the totkay related to Tips And Tricks. So, just read the informative content on Istemal Shuda Tea Bags Ke Istemalat. These tips and tricks will surely play a great role in enhancing your beauty.