کپڑے استری کئے بغیر ان کی سلوٹیں ختم نہیں ہوتی ہیں اور نہ ہی نئے جیسے لگتے ہیں اور جوں ہی ان کپڑوں کو استری کریں یہ نئے جیسے دکھتے ہیں۔ مگر استری کرتے کرتے کب کپڑوں کے ڈیزائن اور کپڑوں کے رنگ استری پر جم جائیں، اندازہ ہی نہیں ہوتا یا خود بخود استری پیچھے سے کالی پڑ جاتی ہے۔ اس کالک کو صاف کرنے کے لئے کچھ مفید ٹپس ہم آپ کو بتانے جا رہے ہیں۔
کیونکہ خواتین اکثر استری کے کالے ہونے کی وجہ سے پریشان ہوتی ہیں۔ ہماری ویب کی ایک صارف نے بھی اپنی مشکل کا حل جاننے کے لئے ہم سے پوچھا تو ان کے لئے ہم بتا رہے ہیں آپ کو سب سے آسان طریقہ۔
ٹپس:
٭ استری پر ایک لموں کا چھلکا اچھی طرح رگڑ لیں۔
٭ ایک چمچ کافور کے پاؤڈر میں ایک چمچ سفید سرکہ مکس کریں اور اس سے استری کو صاف کریں۔ استری کے پیچھے موجود سارا کالا پن بالکل صاف ہو جائے گا۔
٭ ایک تولیے کو گرم پانی میں ڈالیں، اور پھر اس تولیے کو استری کے پیچھے پھیریں، پھر دو چٹکی اینو ڈالیں اور گیلے تولیے سے رگڑلیں۔ یہ ٹپ بھی آپ کے خوب کام آئے گی۔