ہمارے یہاں اکثر گھروں میں ایک ہی مکسچر گرینڈر اور جوسر ہوتا ہے، جس میں میٹھا بھی پیسا جارہا ہوتا ہے اور تیکھا بھی۔ کیونکہ مہنگائی کے اس دور میں میٹھے اور تیکھے کے چکر میں الگ الگ مشینیں کون لے گا، جو ہے بس اسی سے کام چلاؤ والا حساب ہے۔
ایسے میں جب ہم بلینڈر میں مرچی وغیرہ پیستے ہیں تو اس میں تیزائی اور کڑواہٹ آجاتی ہے، جو مشین دھونے کے بعد بھی مکمل طور پر نہیں جاتی۔ اور جب ہم دوسرے کھانے، یا کوئی میٹھی چیز پیستے ہیں تو اس میں اسکا ذائقہ آجاتا ہے جو کہ بہت برا لگتا ہے۔
اسی لیئے آج ہم آپ کے اس مسئلے کیلیئے لائے ہیں ایک چھوٹی سی مگر اہم ٹپ
بلینڈر میں فوائل کی بال ڈالنا:
مکسچر بلینڈر میں اخبار کا ایک ٹکڑا پھاڑ کر ڈالیں اور اوپر سے ایک لیموں کا رس نچوڑ دیں، اسکے بعد فوائل پیپر لیں اور اس کو مٹھی سے دبا کر بلینڈر میں ڈال دیں۔ اب اس میں تھوڑا پانی ڈال کر تینوں چیزوں کو ایک ساتھ بلینڈ کریں
جب پیسٹ بن جائے تو اسے نکال کر بلینڈر کو دھو کر صاف کرلیں، ایسا کرنے سے نہ تو اس میں بدبو رہے گی نہ ہی کڑواہٹ۔