اکثر سفید کپڑے زیادہ وقت الماری میں رکھنے سے پیلے ہوجاتے ہیں یا ہلکے رنگ کے ایک ہی کپڑے پہن کر آپ بور ہوجاتے ہیں، ایسے میں خواتین ان کپڑوں کو بازار سے ڈائی کروا کے الگ رنگ دے دیتی ہیں تا کہ وہ نئے لگیں۔ آج ہم ایسی ہی خواتین کیلیئے لائے ہیں نہایت کم پیسوں میں گھر پر کپڑے ڈائی کرنے کا آسان طریقہ، جس سے دکانداروں کو دینے والے اضافی پیسے بچ سکتے ہیں۔
کون سے کپڑے پر رنگ چڑھتا ہے؟
ڈائی کرنے کیلیئے سب سے پہلے کپڑے کی جانچ ضروری ہے، آیا اس پہ رنگ چڑھے گا بھی یا نہیں۔ اسکے لیئے آپکو کرنا یہ ہے کہ قمیض الٹی کرکے اس کے اضافی دھاگوں کو جو نکلے ہوئے ہوتے ہیں، لائٹر یا ماچس کی تیلی سے جلا کر دیکھنا ہے اگر تو دھاگے فوراً جل رہے ہیں تو اسکا مطلب ہے رنگ آسانی سے چڑھ جائے گا۔
گھر پر ڈائی کرنے کا طریقہ:
۔ سب سے پہلے قمیض یا شرٹ کو سادے پانی میں ڈال کر پورا گیلا کردینا ہے، تا کہ رنگ کرتے وقت اس پر دھبے نہ جمیں
۔ اب ایک پرانی دیگچی میں پانی ابالنے رکھ دیں، دیگچی اتنی بڑی ہو کہ آپ کی قمیض اس میں آسانی سے گھوم سکے
۔ ابلتے ہوئے پانی میں ایک چمچ نمک ڈال دیں اس سے رنگ پکّا چڑھتا ہے
۔ کھولتے ہوئے گرم پانی میں ایک چمچ کلر پاؤڈر ڈالیں، جو بھی رنگ آپکو کرنا ہو وہ با آسانی بازار سے 20، 30 روپے کا مل جائے گا
۔ اگر آپ کو گہرا یا ڈارک رنگ چاہیئے قمیض پر تو اسکے لیئے آپ دو سے تین چمچ کلر پاؤڈر کے ڈالیں
کپڑے کو رنگنے کا عمل:
قمیض کو آہستہ آہستہ رنگ والے پانی میں ڈالیں اور ساتھ ساتھ ڈنڈے یا لکڑی کے چمچ سے ہلاتے رہیں تا کہ رنگ کہیں زیادہ کہیں کم نہ ہو بلکہ ایک جیسا ہو ہرطرف سے، اس عمل کو کیسے کرنا ہے اسے سمجھنے کیلیئے ویڈیو کو دیکھیں