قیمے کے پراٹھے بہت مزے کے بنتے ہیں ایک مرتبہ آپ خود اس طریقے سے بنا کردیکھیں آپ کو بنانے میں بھی اچھا لگے گا اور کھانے میں بھی۔
ترکیب:
٭ ایک پاؤ قیمہ دھو کر اچھی طرح ابال لیں اور اس میں ہلدی، دھنیا، لال مرچ، کالی مرچ ، ادرک لہسن پیسٹ، ہری مرچ پیسٹ اور اناردانہ ڈال کر اچھی طرح پکا لیں کہ قیمہ گل بھی جائے اور اس میں مصالحہ بھی لگ جائے۔
٭ سفید آٹے میں تھوڑا سا نمک ڈال کر آٹا گوندھ لیں اور روٹی کی طرح پیڑے بنا لیں۔ان پیڑوں کو بیلن سے بیل لیں اب تھوڑا تھوڑا قیمہ اس کے بیچ میں رکھ کر پھیلائیں اور دوسرا بیلا ہوا پراٹھا اس کے اوپر ڈال کر ڈبل کرلیں تاکہ قیمہ بھی پراٹھے کے اندر ہی رہے اور یہ پک بھی جائے۔
٭ توے پر پراٹھے کو ڈال دیں آئل ڈال کر پکالیں۔ لیجئیے تیار ہیں آپ کے قیمے کے سپیشل پراٹھے۔
ٹپ:
٭پہلے قیمے کو پکالیں۔ آٹا دو سے تین گھنٹے قبل گوندھ لیں اور چاہیں تو شملہ مرچ قیمے میں کاٹ کر ڈال لیں۔