کوئی پھل دسترخوان پر ہو یا نہ ہو کیلا ضرور موجود ہونا چاہیئے کیونکہ بچے ہوں یا بڑے کیلے سب شوق سے کھاتے ہیں۔ رمضان میں جہاں تمام پھلوں کی قیمتیں آسمان سے باتیں کررہی ہوتی ہیں وہیں ا کثر لوگ دو تین دن کے لئے ایک ساتھ ہی بازار سے کیلے خرید لاتے ہیں مگر بعد میں وہ پریشان دکھائی دیتے ہیں کیونکہ کیلا دیر تک نہیں رہ پاتا اور یہ کالے پڑجاتے ہیں یا تو خراب ہونے کی وجہ سے ضائع ہو جاتے ہیں ۔
کیلوں کو خراب ہونے سے بالکل بچایا جاسکتا ہے بس آپ رکھیں کیلوں کو بتائی گئی ٹپ کی طرح یہ رہیں گے بالکل تازہ اور کالے بھی نہیں پڑیں گے۔
ٹپس:
٭ کیلے کے اوپری حصے پر المونیم فوائل اچھی طرح لپیٹ دیں۔
٭ پھر ان کو فریج یا فریج کے بغیر بھی رکھیں تو یہ رہیں گے ایک دم تازہ اور ان کا ذائقہ بھی خراب نہیں ہوگا۔
٭ اس ٹپ سے کیلے ایک ہفتے تک بھی محفوظ رکھ سکتی ہیں۔
٭ ایک اور ٹپ یہ بھی ہے کہ جن کیلوں کو فروٹ چاٹ میں ڈالنے لگیں تو کاٹنے کے بعد تھوڑی دیر بیکنگ سوڈا میں ڈپ کرکے رکھیں اور پھر فروٹ چاٹ میں ڈالیں اس سے کیلے کبھی کالے نہیں پڑیں گے۔