اس موسم میں کینو ہر جگہ باآسانی دستیاب ہوتے ہیں اور لوگ بھی اسے خرید کر شوق سے کھاتے ہیں، اور کیوں نہ کھائیں یہ وٹامن سی کا خزانہ ہیں جو کہ ہمارے جسم اور جلد کی صحت کیلیئے بہت فائدے مند ہے۔
ویسے تو آپ نے کینو کھانے کے فائدوں کے بارے میں تو یقیناً کافی کچھ پڑھا ہوگا لیکن آج ہم وومن کارنر کے ذریعے آپ کو کینو سے متعلق ایسا طریقہ بتانے جارہے ہیں جو آپ کو بیک وقت 3 فائدے پہنچا سکتا ہے۔ اس کے لئے آپ کو صرف ایک سوئی دھاگے کی ضرورت ہے۔
کینو پر سوئی دھاگہ باندھنے سے کیا ہوگا؟
کینو کو 2 حصوں میں ایسے کاٹ لیں جیسے ان کا جوس نکالنے کے لئے کاٹا جاتا ہے۔ اب اس کے اندر کے گودے کو الگ کرلیں اور چھلکے کو اچھی طرح صاف کر کے اس کو سوئی دھاگے سے سلائی کر کے ایک ساتھ جوڑیں اور کمرے کے دروازے پر لٹکادیں۔ اس سے آپ کا کمرہ ہر وقت مہکتا رہے گا اور سیلن اور دیگر ناگوار بو کا خاتمہ ہوجائے گا۔
دیگر فائدے
اب آتے ہیں باقی 2 فائدوں کی طرف تو جناب اس کا گودا کھانے کے لئے استعمال تو ہو ہی سکتا ہے جو آپ کے جسم کو وٹامن سی اور دیگر معدنیات فراہم کرے گا لیکن اگر گودے سے تھوڑا سا رس نکال لیں تو اس کا بہت اچھا فیس پیک تیار ہوسکتا ہے جس سے رنگ بھی نکھرے گا اور جلد بھی ٹائٹ ہوجائے گی۔
کینو کا فیس ماسک
تھوڑے سےکینو کے رس میں ملتانی مٹی ڈالیں اور ایک چائے کا چمچ شہر اور ایک چائے کا چمچ عرقِ گلاب ڈال کر اچھی طرح مکس کرلیں۔ اس پیسٹ کو چہرے پر لگائیں اور خشک ہونے دیں۔ کوشش کریں کہ پیسٹ لگانے سے پہلے دودھ کو بیس کے طور پر چہرے پر لگا لیں کیوں کہ یہ بہترن ٹونر ہوتا ہے۔ ماسک خشک ہوجائے تو چہرہ سادے پانی سے دھو لیں۔ اپنا نکھار دیکھ کر آپ خود حیران رہ جائیں گی۔