کھانا ہوٹل کے جیسا بن جائے، گھر والوں کو پسند آجائے، جو کھائے وہ انگلیاں بھی کھا جائے، یہ خواہش سب خواتین رکھتی ہیں کیونکہ ہوٹل کا کھانا کھانے کے لئے گھر والے ان کے ہاتھ کا بھی نہیں کھاتے جوکہ اتنی محنت اور محبت سے بناتی ہیں۔ لیکن ہم آپ کے لئے ماہر شیف کی بتائی ہوئی کچھ ٹپس اور خفیہ راز اس آرٹیکل میں آپ کو بتانے جا رہے ہیں جن کی مدد سے خواتین اپنے شوہروں کا دل جیت لیتی ہیں۔
اس لئے اب سے آپ جب بھی کھانا بنائیں، ہماری ویب کے وومن کارنر میں موجود شیف ٹپس اور اہم راز کو آزمانا نہ بھولیئے گا، کیونکہ کھانا جتنا ذائقہ دار ہوگا، گھر والے بھی اتنے ہی آپ سے متاثر ہوں گے۔
ٹپس:
٭ کھانے میں چمچ ہمیشہ سیدھے ہاتھ کی جانب سے چلائیں اور جب چاول بنا رہی ہوں تو صرف ایک مرتبہ چمچ چلائیں، ایسے چاول ٹوٹے گا بالکل بھی نہیں، ساتھ ہی آپ نمک اور مرچ کو چمچ میں ایک ساتھ ڈال کر مکس کرلیں تاکہ اضافی نمکیات مرچ میں جذب ہوکر کھانے کا ذائقہ خراب نہ ہوں۔ کیونکہ مرچ آئل کے ساتھ حل نہیں ہوتی، یوں کھانے کا ذائقہ اچھا ہوتا ہے۔
ٹپس:
٭ جب بھی سالن بنانے جائیں، اس میں گوشت کو ابال کر ڈالیں، اور گوشت ابالتے وقت اس میں دھنیا پاؤڈر اور ذرا سی ہلدی کے ساتھ ادرک لہسن کا پیسٹ شامل کرلیں، اس کے علاوہ سبزیوں میں مرچ پاؤڈر کم سے کم استعمال کریں اور آدھا چمچ اجینو موتو کا استعمال کریں، یہ بہت فائدے مند ہوگا۔