افطار میں جہاں طرح طرح کے کھانے ہمارے دسترخوانوں کی زینت بنتے ہیں وہیں قسم قسم کی چٹنیاں بھی بنائی اور شوق سے کھائی جاتی ہیں ،یہاں ہم آج خوبانی کی چٹنی بنانے کا طریقہ بتا رہے ہیں جو کہ آپ ہر طرح کی چاٹ میں بھی ڈال سکتی ہیں دہی بھلوں میں ڈال کر بھی ان کا مزہ دوبالا کر سکتی ہیں ۔ یا اس کو پراٹھوں کے ساتھ بھی کھایا جا سکتا ہے۔
خوبانی 200 گرام
چینی 100 گرام
کٹی لال مرچ 1 چائے کا چمچ
نمک 1 چائے کا چمچ
لال مرچ 1 چائے کا چمچ
کالی مرچ آدھا چائے کا چمچ
زیرہ آدھا چائے کا چمچ
سوکھی ہوئی خوبانی کو ایک سے دو کپ پانی میں ابال کر دس منٹ تک پکالیں۔اس کے بعد جب خوبانی نرم ہو جائے تو اس میں چینی ڈال کر پکائیں۔ جب ذرا گاڑھی ہوجائے تو اس میں تمام مصالحے ڈال کر اچھی طرح مکس کریں اور تھوڑی دیر پکنے دیں ۔ جب یک جان ہوجائے تو بلینڈر سے بلینڈ کر لیں ۔ٹھنڈی ہو جائے تو استعمال کریں۔مزیدار خوبانی کی چٹنی تیار ہے۔