عید الاضحٰی قریب ہے اور اب نئے نئے طریقے آزما کر مزیدار پکوان بنانے کا وقت آ گیا ہے، تو اس بار جب عید پر مہمان آئیں تو ہمیشہ کی طرح روائتی شامی یا چپلی کباب نہیں اس مرتبہ بنائیں لچھا کباب جو اتنے لذیذ اور مزیدار بنیں گے کہ مہمان بھی آپ کے ہاتھوں کے ذائقے کے گرویدہ ہو جائیں گے۔
تو چلیں پھر لچھا کباب بنانے کی ترکیب جان لیتے ہیں جو ہے اتنی آسان کہ بن جائیں کباب منٹوں میں۔
• لچھا کباب بنانے کی ترکیب
• اجزاء
چکن بریسٹ۔۔۔ (بڑے) 4 عدد
لیموں کا رس۔۔۔ 4 کھانے کے چمچے
لال مرچیں۔۔۔ (کُٹی ہوئی) 1 چائے کا چمچہ
انڈا۔۔۔ 1 عدد
میدہ۔۔۔ 3 کھانے کے چمچ
ٹوتھ پک۔۔۔ حسب ضرورت
تکہ مصالحہ۔۔۔ 1/2 پیکٹ
چلی سوس۔۔۔ 4 کھانے کے چمچ
لہسن پیسٹ۔۔۔ 1 کھانے کا چمچ
نمک۔۔۔ حسب ذائقہ
کارن فلور۔۔۔ 3 کھانے کے چمچ
تیل۔۔۔ حسب ضرورت
• ترکیب
• چکن بریسٹ کو صاف کر لیں اور ہڈی بھی نکال لیں اس کی لمبائی میں پتلی پتلی پٹیاں کاٹ لیں، (اسٹرپس لمبی اور پتلی ہونی چاہئیں موٹی نہ ہوں)۔
• لیموں کا رس، کُٹی ہوئی لال مرچیں، انڈا، میدہ، تکہ مصالحہ، چلی سوس، لہسن پیسٹ، نمک، کارن فلور گوشت میں ملا کر گوشت کی پٹیوں پر لگا لیں اور 15 منٹ کے لئے رکھ دیں۔
• تین پٹیاں لمبی لمبی اٹھائیں اور اس کو فولڈ کریں ساتھ ساتھ اور ایک ایک کرکے 3-4 پٹیاں ملاتے جائیں اور فولڈ کرتے جائیں۔
• تیل گرم کر لیں اس میں فولڈ کی ہوئی پٹیاں رکھ کر احتیاط سے تلیں اگر کھل رہی ہیں تو ٹوتھ پک کی مدد سے بند کرکے شیلو فرائی کر لیں اور بعد میں ٹوتھ پک نکال لیں۔
• لیجیئے تیار ہیں مزیدار لچھا کباب گرما گرم پراٹھوں کے ساتھ کھائیں اور سب کو پیش کریں۔