کوڑوں کی تمام اقسام کھا لی ہیں تو آج بنائیں کچھ نئے انداز میں لچھا چکن پکوڑہ اور افطاری کا دسترخوان سجائیں منفرد ذائقے سے۔
ترکیب
٭ ایک پاؤ بون لیس چکن اچھی طرح دھو کر خشک کرلیں۔ پھر اس میں ایک چمچ دھنیا، ہلدی، ادرک لہسن پیسٹ، گرم مصالحہ، لال مرچ، کالی مرچ، زردے کا رنگ، آدھا کپ لیموں کا رس ڈال کر اچھی طرح پیسٹ بنا کر رکھ دیں۔
٭ چار بڑے آلو دھو کر باریک لمبی اسٹکس کی شکل میں کاٹ لیں اور ان میں ایک چمچ لال مرچ، کالی مرچ، چار چمچ کورن فلور، ایک چمچ میدہ ڈال کر اچھی طرح مکس کریں۔
٭ اب تھوڑے سے باریک کٹے ہوئے آلو اپنی ہتھیلی پر رکھیں اور ان کے اوپر ایک چکن کی بوٹی رکھیں پھر دوبارہ اس کے اوپر تھوڑے سے کٹے ہوئے آلو رکھیں اور ایک پکوڑے نما گول بنالیں پھر اس کو آئل میں ڈیپ فرائی کرلیں۔
٭ اسی طرح ساری چکن کو کٹے ہوئے باریک آلوؤں کے درمیان میں بھر کر فرائی کرلیں۔
٭ لچھے چکن پکوڑے تیار ہیں آپ کے دسترخوان پر سجنے کے لئے۔
٭ انھیں کیچپ یا مایونیز کے ساتھ پیش کردیں۔