گھروں میں لکڑی کے دروازے یا کچن کیبنٹس وغیرہ اگر وقت پر نہ صاف کیے جائیں تو ان پر میل جم جاتا ہے جسے بعد میں نکالنے سے پالش کا اوپری تہہ بھی نکل جاتی ہے. اس لئے آج ہم آپ کو لکڑی اور فارمیکا صاف کرنے کا ایسا طریقہ بتائیں گے جس سے آپ کے دروازے صاف بھی ہوجائیں گے اور ان کی پالش بھی نہیں نکلے گی.
ایک پیالے میں تھوڑا پانی لیں. اس میں ایک کھانے کا چمچ سرکہ ڈالیں اور ایک کھانے کا چمچ زیتون کا تیل ڈال کر اچھی طرح مکس کریں اور موٹا کپڑا یا صفائی کا تولیا اس پانی میں بھگو کر نچوڑ لیں.
اب پہلے دروازے کو خشک کپڑے سے جھاڑ لیں. پبر بھیگے ہوئے تولیا کو نچوڑ کر دروازے کو اچھی طرح صاف کریں. زیتون کا تیل لکڑی کو کیڑا، دیمک سے بچانے کے علاوہ دروازے کا چمک دے گا جبکہ سرکہ تمام میل کاٹ دے گا.
یہ عمل 2 بار دہرا کر دروازے یا لکڑی کے فرنیچر کو بالکل نئے جیسا بنایا جاسکتا ہے.