اکثر گھروں میں یہ دیوار کی الماریاں بنی ہوئی ہوتی ہیں جو سب سے زیادہ کارآمد اور فائدے مند ہوتی ہے کیونکہ اس میں ضرورت کی ہزاروں چیزیں رکھی جاتی ہیں جو کسی کو نظر بھی نہیں آتی ہیں اور حفاظت سے رکھ بھی لی جاتی ہیں۔ ان الماریوں کی صاف صفائی عموماً نظرانداز کردی جاتی ہے کیونکہ وہ بند ہی رہتی ہے۔ البتہ اس کے اندر دیمک لگ جاتی ہے جس کی وجہ سے الماری اور اس کے اندر رکھی ہوئی چیزیں بالکل خراب ہو جاتی ہیں ۔

اس مسئلے سے بچنے کے لئے ہماری ویب کی ٹپس اینڈ ٹرکس میں ہم آپ کو بتا رہے ہیں کچھ ایسی آسان ٹپس جو الماریوں کو محفوظ بنانے میں مدد دیں گی۔

ٹپس:

٭ الماری میں روزانہ دھونی دیں، یعنی اگر آپ کے گھر میں کوئلے کا چھوٹا سا ٹکڑا موجود ہے تو اس کو اچھی طرح گرم کرکے الماری کے اندر رکھ دیں یا پھر دھونی دے دیں، اس سے ایک فائدہ تو یہ ہوگا کہ جتنے بھی چھوٹے موٹے اڑنے والے مچھر یا جو بھی حشرات ہوں گی وہ دور ہو جائیں گی اور دیمک بھی نہیں لگے گی۔

٭ اسپرے بوتل میں مٹی کا تیل بھر لیں۔ پھر دیمک لگی جگہ پر اچھی طرح زیادہ سا اسپرے کریں تاکہ وہ جگہ مٹی کے تیل سے تر ہوجائے۔ اس نسخے کو آزمانے کے بعد واضح فرق آپ کے سامنے ہوگا۔

* آدھا گلاس سفید سرکہ میں 2 لیموں کا رس شامل کریں۔ پھر اس مکسچر کو اسپرے بوتل میں بھر کے رکھ لیں اور دن میں دو مرتبہ اس مسچر کو اسپرے بوتل کی مدد سے دیمک میں چھڑکاؤ کریں اور کچھ دن تک یہ عمل جاری رکھیں۔