لال بیگ اور کیڑے مکوڑے ہر گھر میں ہر کچن میں ہوجاتے ہیں اور ان کو بھگانے کے لئے ہم سب ہی مختلف تدبیریں کرتے رہتے ہیں چلیں ان تین آسان مراحل کو بھی آزما کر دیکھ لیں ہوسکتا ہے کہ آپ کی جان ان ضدی لال بیگوں اور کیڑے مکوڑوں سے چھوٹ جائے۔
٭ صفائی سے قبل:
صفائی سے قبل ایک پتیلے میں پانی ڈالیں اور کسی بھی کپڑے دھونے والے صابن کو کاٹ کر اس میں ڈالیں اور بیس منٹ تک پکائیں۔ پھر اس پانی کو گھر کے کونوں اور خصوصاً کچن میں ڈال دیں اور اس کے بعد لال بیگ کو بھگانے والی دوائی آپ ڈال کر رات بھر کچن بند کر دیں۔
اگلی صبح کچن کو پانی سے دھو کر صاف کرلیں۔
٭ صفائی کے بعد:
ایک بالٹی میں نیم گرم پانی ڈالیں اس میں کپڑے دھونے والا سرف اور سفید سرکہ ڈال کر اچھی طرح ہلائیں اور اس سے ہر جگہ تولیے کی مدد سے پونچھا لگائیں۔
٭ گولیاں رکھیں
ایک پیالی آٹا، دو چمچ پانی اور آدھا کپ بورک پاؤڈر لے کر ایک گاڑھا پیسٹ بنا کر گولیاں بنائیں اور کونوں میں رکھ دیں آپ دیکھیں گی کہ اس سے سارے لال بیگ آپ کے گھر کو بائی بائی کردیں گے ساتھ ہی چونٹیوں کو بھی گھر سے باہر کا راستہ دکھا دیں گے۔
ان طریقوں پر عمل کرکے آپ حشرات سے اپنی جان چھڑا سکتی ہیں اور مستقل نہیں بھاگے تو کم از کم کنٹرول میں آجائیں گے۔