موسم تبدیل ہوتے ہی جہاں لوڈشیڈنگ نے عوام کا جینا حرام کردیا ہے وہیں دوسری طرف ایسے حشرات جو سردیوں میں چھپ جاتے ہیں، وہ بھی باہر نکل آتے ہیں۔ جن میں چھوٹے چھوٹے کیڑے مکوڑے چونٹیاں اور لال بیگ وغیرہ شامل ہیں۔
ان کیڑوں کی وجہ سے جہاں گندگی پھیلتی ہے وہیں جراثیم بھی پھیلتے ہیں، اور لال چونٹیاں تو جسم سے چپک کر کاٹتی بھی ہیں۔ اسی لیئے ان سے بچنے کے لیئے آج ہم آپ کو بتا رہے ہیں ایک آسان سی ٹپ، جو آپ کو اس پریشانی سے بچا سکتی ہے۔
کیڑے مکوڑے اور چونٹیوں کو بھگانے کا طریقہ:
۔ سب سے پہلے دو لیموں لیں اور ان کو چھیل کر ان کے چھلکے علیحدہ کردیں
۔ اب ایک ململ کے کپڑے میں ان چھلکوں کو ڈال اسکی پوٹلی بنالیں اور ربڑ بینڈ سے باندھ دیں
۔ پھر اوپر سے پوٹلی پر لیموں کا رس نچوڑ دیں
۔ اب اس پوٹلی کو گھر کے دروازے، کھڑکیوں اور ان کونوں کھانچوں میں رکھیں جہاں سے کیڑے مکوڑوں اور چونٹیوں کے آنے کا اندیشہ ہو
۔ پوٹلی میں موجود لیموں کے چھلکوں کی خوشبو سے یہ حشرات دور بھاگتے ہیں، اسلیئے اس ٹپ کو لازمی آزمائیں