موسم جیسا بھی ہو مچھروں سے دور رہنا ممکن نہیں ہے، چاہے کتنے ہی کوائل جلا کر رکھ لیں مچھر پھر بھی آتے ہی ہیں تو آج پانی میں یہ چیزیں ملا کر اس نسخے کو بھی کر کے دیکھ لیں، ہوسکتا ہے مچھروں سے آپ کی ایسے جان چھوٹے جیسے وہ گھر میں موجود ہی نہیں۔
طریقہ:
٭ ایک گلاس پانی گرم کرلیں اس میں چار چمچ چینی ایک چمچ خمیرہ ایسٹ پاؤڈر کو اچھی طرح ملا لیں۔
٭ کسی پلاسٹک کی بوتل کو اس طرح کاٹیں کہ اوپری حصہ یعنی اس کا منہ والا حصہ الگ ہوجائے اور نیچے سے ایک پلین بوتل رہ جائے۔ اب کٹے ہوئے منہ والے حصے کو الٹا کر کے بوتل کے اوپر رکھ دیں اور یہ پانی کا محلول اس کے اندر ڈال دیں۔
٭ بوتل کے اوپر کوئی سفید کپڑا یا کاغذ کو چڑھا دیں جیسے کہ کوئی گفٹ پیپر چڑھاتے ہیں، بالکل اسی طرح۔ اور اس کو گھر کے کسی ایسے کونے میں رکھ دیں جہاں اندھیرا زیادہ ہو۔
ایسا کرنے سے کیا واقعی مچھر بھاگیں گے؟
جی ہاں! کیونکہ چینی پانی میں حل ہو کر محلول بناتی ہے جو ہوا کے معلق ذروں کی موجودگی میں ایسی گیسز کا اخراج کرتا ہے جس سے مچھر اس میٹھے ذائقہ دار پانی کی جانب کھینچا چلا آتا ہے اور یوں وہ جال میں پھنس جاتا ہے۔
بوتل کیوں کاٹی؟
بوتل کاٹنے کی وجہ یہ ہے کہ اس کے منہ کا حصہ بوتل کے پیٹ میں اوندھا کر کے ڈالنے سے مچھر بوتل کے کم حجم کے منہ میں پھنس جاتا ہے اور نکلنے کی امید کم ہوجاتی ہے۔ لہٰذا اس وجہ سے یہ کاٹی جاتی ہے۔
آپ اس طریقے کو اپنا کر دیکھیں، مچھر ختم نہیں ہوں گے اگر تو کم تو ضرور ہوجائیں گے۔ آپ کسی حد تک مچھروں کی آمد پر قابو پاسکیں گی۔