سردیوں کے کھانوں میں مچھلی کا ذکر نہ کیا جائے ایسا تو ممکن ہی نہیں کیونکہ مچھلی تقریباً ہر انسان کو ہی پسند ہوتی ہے جس کی تاثیر گرم ہوتی ہے اور انسانی جسم کو گرمی فراہم کرنے کے ساتھ ساتھ صحت مند بنانے میں بھی مددگار ثابت ہوتی ہے۔
بعض اوقات مچھلی رکھے رہنے کے باعث تازہ نہیں رہتی اور نہ تو اس کا ذائقہ اچھا ہوتا ہے بلکہ اس کو دھونا بھی مشکل ہوجاتا ہے کیونکہ اس میں عجیب بو آجاتی ہے۔
اگر آپ کے ساتھ بھی ایسا ہو اور آپ غلطی سے باسی مچھلی لے آئیں تو ہمارے بتائے گئے اس طریقے سے اس کو دوبارہ تازہ کرسکتی ہیں اور کھانے کے لائق بنا سکتی ہیں۔
۔ مچھلی کو پہلے سادے پانی سے دھولیں پھر اس کو سرکے کے پانی میں دس منٹ کے لیے بھگو دیں تاکہ اس کی بو اچھی طرح ختم ہوجائے۔
۔ تھوڑی مسور کی دال لیں اور اس کو پیس لیں۔
۔ پھر اس کو دھوئی ہوئی مچھلی پر لگا دیں۔
۔ پھر تھوڑی دیر بعد مچھلی کو صاف پانی سے دھولیں۔
۔ ایسا کرنے سے مچھلی بالکل تازہ محسوس ہوگی۔