مایونیز کو صفائی کے لئے استعمال کرنے کا طریقہ
مایونیز کو زیادہ تر کھانے میں استعمال کیا جاتا ہے مگر آپ کو یہ جان کر حیرت ہوگی کہ مایونیز کو ہم کھانے کے علاوہ اور بھی بہت سے کاموں میں استعمال کر سکتے ہیں ۔ درج ذیل میں چند کار آمد استعمالات بتائے گئے ہیں جن کو جان کر آپ مستفید ہوں گے ۔
پیانو کیز کی چمک کے لئے بہترین
مایونیز کی تھوری سی مقدار لے کر آپ اپنے پیانو کے جوبٹن گندے ہوگئے ہیں اُن پر ڈال دیں اور پانچ منٹ کے لئے چھوڑدیں پھر کپڑے سے صاف کرلیں اس طرح آپ کے پیانو کی کیز چمکدار ہوجائے گی ۔
دیواروں سے پینسل کلر کے داغوں کے لئے
اگر آپ کے بچوں نے گھر کی دیواروں پر پینسل کلر کا استعمال کیا ہے تو آپ پریشان نہ ہوں کیونکہ یہ داغ مایونیز کی مدد سے باآسانی ختم ہو سکتے ہیں ۔ تھوڑی مقدار میں مایونیز لیکر پنسل کلر کے نشانات پر لگائیں اور پانچ سے دس منٹ کے لئے چھوڑدیں پھر اس کو صاف کریں اِس طرح پینسل کلر کے نشانات ختم ہوجائیں گے ۔
لکڑی سے بنے فرنیچر کو نئے جیسا بنانے کے لئے
اکثر ایسا دیکھا گیا ہے کہ جب ہم کسی بھی لکڑی کی میز پر چائے کا کپ یا جوس سے بھرا گلاس رکھتے ہیں تو لکڑی پر گول نشانات پڑجاتے ہیں جو آسانی سے صاف نہیں ہوتے مگر اب پریشان نہ ہوں کیونکہ آپ مایونیز سے آسانی سے یہ داغ صاف کرسکتے ہیں ۔