مشہور شیف مبشر صدیقی کی بتائی ہوئی ریسیپی اور ٹپس کا استعمال آپ بھی کھانا بنانے کے لیے کرتی ہوں گی کیونکہ یہ کبھی مہنگے اوون یا مائیکرویو میں کھانا بنانے نہیں سکھاتے۔ ہمیشہ ہی توے اور سادے چولہے پر کھانا بنانے کی ترکیب بتاتے ہیں جس سے کھانا گھر بیٹھے اتنا ذائقہ دار بنتا ہے کہ کھانے والا بھی مزے سے پیٹ بھر کر کھاتا ہے۔ کھانا بناتے وقت بعض اوقات نمک زیادہ ڈل جاتا ہے جس سے ذائقہ دار کھانا بھی ضائع ہو جاتا ہے۔ ایسے میں شیف مبشر صدیقی کی بتائی گئی کچھ ایسی ٹپس جو خواتین کے خوب کام آئیں گی۔
اگر سالن میں نمک زیادہ ہو جائے تو کریم کا ایک چمچ یا ایک چمچ دودھ ڈال دیں ، اس سے ذائقے پر بالکل فرق نہیں پڑتا ہے۔ اگر آپ کو یہ طریقہ اچھا نہیں لگے تو ایک سوتی کپڑا لیجیے اس میں ایک سے 2 چمچ سونف ڈال کر پوٹلی بنا لیں۔ اس کو سالن میں چھوڑ دیں اور 5 سے 10 منٹ کے لیے ڈھکن ڈھک دیں۔ اس سے سالن کا نمک سونف اپنے اندر جذب کرلے گی اور اس کی بھینی بھینی خوشبو ذائقہ بھی دوبالا کر دے گی۔
ایک ویڈیو میں مبشر صدیقی نے بتایا کہ اگر آپ کے سالن کا آئل اوپر نہ آئے اور کھانے کی بناوٹ اچھی معلوم نہ ہو تو ایک چھوٹی سی ترکیب استعمال کریں۔ ایک فرائی پین میں 1 چمچ آئل اور ایک چٹکی زیرہ ڈال کر تھوڑا سا بھونیں اور ڈال دیں یوں کھانے میں تڑکے کا ذائقہ اور 1 چمچ آئل کھانے کی شکل کو بہترین اور خوبصورت بنا دے گا۔
اگر آپ بھی اس طریقے سے کھانوں میں جان ڈالیں گی تو ہر کوئی گھر کا کھانا چاہے گا اور بازاری کھانوں کے خرچے سے بھی جان چھٹ جائے گی۔ لیکن ایک بات ہمیشہ یاد رکھیں کہ نمک ڈالتے وقت ایک چمچ کا ناپ رکھ لیں کہ چاول بنا رہی ہیں تو کس چمچ سے کتنا ڈالیں کہ کم یا زیادہ نہ رہے اور سالن بناتے وقت کون سا چمچ مناسب مقدار کے نمک کے لیے مفید ہے۔