ہینگ سے تو آپ واقف ہی ہیں یہ صرف ایک کھانے کا مصالحہ ہی نہیں بلکہ بہترین اینٹی آکسیڈنٹ اور اینٹی انفلیمیٹری خصوصیت کی حامل ہے۔ اب آپ کو بتاتے ہیں کہ ایک چٹکی ہینگ آپ کی کن تکلیفوں میں دوائی کا کام کرتی ہے۔
٭ پیٹ کے درد، بدہضمی، قے، پیٹ کی گیس ہو یا بھوک کی کمی یا ہو پیٹ میں کیڑے بس آپ ایک چٹکی برابر ہینگ نیم گرم پانی سے پھانک لیجئیے۔ اس سے آپ کو ضرور راحت مل سکے گی۔
٭ بالوں کے جھڑنے کی شکایت میں بھی ہینگ مؤثر ہے۔
٭ دانتوں کے درد، کیڑا لگنے، مسوڑوں میں ورم ، سوجن یا خون آنے کی تکلیف ہے تو آپ ہینگ لیموں، لونگ اور سادے پانی کے ساتھ استعمال کرلیں، یہ بھی آپ کے درد میں کمی لاسکتا ہے۔
٭کتا کاٹ جائے تو ہینگ کا پیسٹ اس جگہ پر لگادیں، اس سے مریض کو سکون آئے گا۔
٭ اینٹی بائیوٹک ہونے کی وجہ سے سر درد، نزلہ، کھانسی اور بلغم کے لئے بھی اس کا استعمال مفید ہے۔
٭ چونٹیوں اور لال بیگوں سے تنگ ہیں تو گھر کے کونوں میں ہینگ ڈال دیں، اس سے تمام حشرات بھاگ جاتے ہیں۔