گرمی کے موسم میں پانی کی ٹنکی اس قدر تپش سے گرم ہو جاتی ہے کہ اس میں سے نکلنے والا پانی بھی گرم ہوتا ہے۔ چاہے وہ پانی میٹھا ہو یا کھارا اور اگر کھارا پانی گرم ہو تو اس کا ذائقہ کڑوا سا محسوس ہونے لگتا ہے۔ یہ صرف کسی ایک نہیں بلکہ پاکستان کے ہر گھر کا مسئلہ ہے۔ لیکن اس کا حل مارکیٹ میں بآسانی دستیاب ہے مگر کم ہی لوگ اسے جانتے ہیں۔ چلیے آپ بھی جان لیں تاکہ کم سے کم اس گرمائش سے ٹنکی کو بھی محفوظ رکھ سکیں اور پانی بھی نارمل دستیاب ہو جائے۔
طریقہ:
٭ بازار میں آپ کو واٹر ٹینکر کولر انسولیٹر کے نام سے ایک شیٹ کوور مل جائے گا جو 500 روپے کے حساب سے دستیاب ہے۔ اس کو اپنی ٹنکی کے اطراف میں کوور کی طرف چسپاں کرلیں اس سے نہ تو باہر کی تپش ٹنکی کے اندر داخل ہوگی اور نہ ہی پانی گرم ہوگا۔
٭ کچھ لوگ صرف ایک حصے پر یہ کوور لگانا چاہتے ہیں ان کے لیے سستا پیکج ہوگا لیکن جو پوری ٹنکی پر لگانا چاہیں اس کے لیے 3 ہزار تک کا خرچہ بھی ہوسکتا ہے کیونکہ سب کی ٹنکی کا سائز یکساں نہیں ہوتا۔