سحری میں گرما گرم پراٹھے مل جائیں تو مزہ ہی آجاتا ہے لیکن روز روز پراٹھے بنانے میں وقت زیادہ لگ جاتا ہے تو اب فروزن پراٹھے بناکر محفوظ کرلیں اور روزانہ ایک پکا کر کھا لیں۔ بنائیں اس آسان ترکیب سے جو لگیں خستہ بھی اور مزے دار بھی۔
ترکیب:
٭ ایک کپ میدہ، نمک، چینی اور گھی کو مکس کرکے گرم پانی سے اچھی طرح آٹا گوندھ لیں اور اس کو ایک پلاسٹک سے آدھا گھنٹہ تک ڈھانپ دیں۔
٭ درمیانے سائز کے پیڑے بناکر ان کی باریک سی روٹیاں بیل لیں۔
٭ اب اس روٹی کے بیچ سے کنارے تک یعنی آدھے حصے پر چھری کی مدد سے کٹ لگائیں، اور روٹی کا ایک سرا لے کر اس کو چھوٹے چھوٹے گھیروں میں گھمائیں، جیسے کہ آپ رول بناتی ہیں، اس طرح ایک ہی سرے سے شروع کر کے دوسرے پر اختتام کریں۔
٭ اس کو دوبارہ بیلن سے بیلیں اور بڑے پراٹھے کے سائز کا بنا لیں۔
٭ بٹر پیپر یا کسی پلین پلاسٹک بیگ پر ایک ایک پراٹھا رکھتی جائیے اور فریز کرلیں۔
٭ جب بنانا ہو تو ایک ایک روٹی نکالیں اور بس گھی میں بناتی جائیں۔
پراٹھے جب بھی بنائیں گی ان کا ذائقہ بھی وہی رہے گا اور مزہ بھی کھانے میں آئے گا۔