پسینے کی بو ہر انسان کے جسم کا حصہ ہے لیکن کچھ لوگ اس ناگوار بو کا خاتمہ کرنے کے لئے مہنگے پرفیومز کا سہارا لیتے ہیں جبکہ کچھ لوگ پیسے نہ ہونے کا بہانیہ دیتے ہیں۔ جبکہ سچائی تو یہ ہے کہ یہ صرف لاپروائی ہے۔ اگر لوگ چاہیں تو قدرت نے ایسے کئی سستے طریقے بھی بتائے ہیں جن سے نہ صرف آپ ناگوار بو سے جان چھڑا سکتے ہیں بلکہ قدرتی ڈیوڈرینٹ کا کام بھی لے سکتے ہیں۔
پھٹکری
نہانے سے پہلے پانی میں پھٹکری ڈال دیں۔ پھٹکری اینٹی بیکٹیریل خواص سے بھرپور ہوتی ہے اور جراثیم کو پنپنے سے روکتی ہے۔ اس کے پانی سے نہانے سے ناگوار بو نہیں پیدا ہوگی۔ اس کے علاوہ پھٹکری کو نہانے کے بعد جسم کے ان حصوں پر لگایا جاسکتا ہے جہاں سے پسینے کا زیادہ اخراج ہوتا ہے۔ تب بھی بو سے جان چھٹ جائے گی۔
بیکنگ سوڈا
بیکنگ سوڈا پانی میں ملا کر پیسٹ بنا لیں اور بغلوں سمیت پسینے کے اخراج والے اعضاء پر لگائیں۔ تھوڑی دیر میں صاف کر کے نہا لیں۔
لیموں یا سرکہ
اس پانی سے نہا کر آپ کا جسم قدرتی طور پر مہکتا رہے گا۔ نہانے کے پانی میں چند قطرے لیموں کا رس یا سیب کا سرکہ ڈال کر ملا لیں۔ اس کے علاوہ لیووینڈر کی پتیاں۔ ٹی ٹری اور یوکلپٹس آئل کے چند قطرے بھی ڈالے جاسکتے ہیں۔