اس چیز کا تجربہ تو آپ سب نے ہی اپنی زندگی میں کبھی نہ کبھی کیا ہی ہوگا کہ اکثر چلتے ہوئے یا کرسی سے بیٹھ کر اٹھتے ہوئے کیل یا کسی نوکیلی چیز میں کپڑا پھنس کر پھٹ جاتا ہے۔ جس پر سلائی مشین سے ٹانکا لگانا تو آسان ہے لیکن اس کے بعد وہ اتنا برا لگتا ہے کہ صاف نظر آتا ہے کہ اس جگہ سے کپڑا پھٹا تھا۔
اسی لیئے آج ہم آپ کو بتائیں گے ایسا آسان طریقہ جس سے بنا سلائی مشین کے استعمال کے آپ پھٹے ہوئے کپڑے کو ٹھیک کرسکتے ہیں۔
طریقہ کار:
۔ سب سے پہلے اُس کپڑے کی میچنگ کا باریک والا دھاگہ لینا ہے، جو کہ بہت ضروری ہے ورنہ تُرپائی نظر آئے گی
۔ اب جہاں سے کپڑا پھٹا ہے اس جگہ پر نکلے دھاگے قینچی کی مدد سے صفائی سے کاٹ لیں، ایک بھی ایکسٹرا دھاگہ نہیں رہنا چاہیئے
۔ اب پھٹے ہوئے کپڑے کو ہلکہ سا اندر موڑ کر اوپر کی طرف سے باریک تُرپائی کرتے جائیں
۔ جب کپڑا جڑ جائے گا تو آپ خود فرق دیکھیں گے کہ سلائی مشین سے جوڑا ہوا کپڑا اور ہاتھ سے جوڑے ہوئے کپڑے میں کتنا فرق ہے
۔ طریقہ کار کو مزید اچھے سے سمجھنے کیلیئے آپ نیچے دی گئی ویڈیو بھی دیکھ سکتے ہیں