اکثر خواتین پریشر کُکر میں کھانا بناتی ہیں کیونکہ اس میں گوشت، دال وغیرہ جلدی گل جاتی ہے- لیکن جب اس میں کھانا بن رہا ہوتا ہے تو ابلنے کے باعث ڈھکنے سے باہر آجاتا ہے جس سے کُکر اور چولہا دونوں گندے ہوجاتے ہیں- اور ابلنے والا کھانا جلنے کے باعث اس میں جلنے کی بو آجاتی ہے جو سارے کھانے کا ذائقہ تبدیل کردیتی ہے۔ لیکن اب ایسا نہیں ہوگا کیونکہ اس مسئلے کو آُپ سیکنڈوں میں حل کرسکتی ہیں۔
جب پریشر کُکر یا کسی بھی پتیلی میں ڈھکن ڈھک کر کھانا بنائیں تو اس کے ڈھکن میں لگے ربڑ کے سائیڈ میں تیل لگا دیں۔ ربڑ نہ ہو تو ڈھکن میں لگا دیں۔
یا اگر کھانا بناتے وقت ڈھکن کا استعمال نہ کریں اور ابلنے کا ڈر ہو تو لکڑی کا چمچ پتیلی کے اوپر رکھ دیں جیسے تصویر میں دکھایا گیا ہے۔
اس طریقے سے پتیلی میں بننے والا کھانا ابل کے باہر نہیں آئے گا۔
پھر نہ پتیلی گندی ہوگی اور نہ ہی چولہا گندا ہوگا۔